Без аналізу ДНК аўтар рэканструкцыі Х'ю Морысан не мог дакладна вызначыць колер вачэй і валасоў. Фота: Hew Morrison

Без аналізу ДНК аўтар рэканструкцыі Х'ю Морысан не мог дакладна вызначыць колер вачэй і валасоў. Фота: Hew Morrison

З дапамогай спецыяльнай тэхналогіі рэканструкцыі навукоўцы змаглі ўзнавіць аблічча дзяўчыны, якая памерла больш за 1300 гадоў таму, піша Бі-бі-сі.

Яе шкілет знойдзены пахаваным на драўляным ложку ў Трампінгтане, Кембрыджшыр (Брытанія), яшчэ ў 2012 годзе.

Доктар Сэм Легет сказала, што, будучы археолагам, яна прывыкла да безаблічных людзей, таму ёй было прыемна бачыць, як выглядала дзяўчына.

Мастак-крыміналіст Х'ю Морысан стварыў рэканструкцыю, выкарыстаўшы даныя аб памеры чэрапа дзяўчыны і асаблівасці еўрапеоіднай расы.

«Яе левае вока было крыху ніжэй, прыкладна на паўсантыметра, чым правае, — гэта было б даволі прыкметна пры жыцці», — сказаў ён.

Новы спецыяльны аналіз костак і зубоў дзяўчыны з VII стагоддзя дапамог больш даведацца пра яе кароткае жыццё.

Яна нарадзілася недалёка ад Альпаў, імаверна, у паўднёвай Германіі, і пераехала ў Кембрыджшыр пасля сямі гадоў.

Калі дзяўчынка прыехала ў Англію, змянілася і яе дыета.

«Цяпер мы ведаем, што ў рацыёне паменшала колькасць бялку, што сведчыць пра тое, што на поўдні Германіі яна ела больш мяса і малочных прадуктаў, чым па прыбыцці ў Трампінгтан», — сказала Легет.

Даследаванне Кембрыджскага ўніверсітэта, апублікаванае ў мінулым годзе, паказала, што англасаксонскія каралі да прыбыцця вікінгаў былі ў асноўным вегетарыянцамі.

Даследчыкі ўжо ведалі з папярэдняга аналізу, што перад смерцю яна пакутавала ад невядомай хваробы.

Легет, якая дапамагала праводзіць ізатопны аналіз у Кембрыджскім універсітэце, пакуль не перайшла на працу ў Эдынбургскі ўніверсітэт, адзначыла:

«Магчыма, ёй было блага, яна прайшла доўгі шлях у зусім незнаёмае месца — нават ежа была іншай — гэта, безумоўна, страшна».

Гэта пахаванне — адно з 18-ці на ложку, выяўленых у Вялікабрытаніі, у той час як залаты крыж з гранатамі паказвае на яго арыстакратычнае або каралеўскае паходжанне і хрысціянскую рэлігію.

У Брытаніі знайшлі толькі пяць такіх крыжоў і з дапамогай яго вызначылі, што дзяўчына належала да арыстакратаў. Фота: University of Cambridge Archaelogical Unit

У Брытаніі знайшлі толькі пяць такіх крыжоў і з дапамогай яго вызначылі, што дзяўчына належала да арыстакратаў. Фота: University of Cambridge Archaelogical Unit

Легет кажа, што даследаванні еўрапейскіх пахаванняў на ложках сведчаць аб перамяшчэнні невялікай групы маладых жанчын-арыстакратак з горнай мясцовасці ў кантынентальнай Еўропе ў рэгіён Кембрыдж у трэцяй чвэрці VII стагоддзя.

Дзяўчына магла прыбыць у Англію як нявеста ці далучыцца да манаскага ордэна, напрыклад, у суседнім абацтве Элі.

«Яна выдатны прыклад таго, як можна ажывіць мінулае», — кажа Легет.

Чытайце таксама:

У Эквадоры памерла жанчына, якая тыдзень таму «ажыла» падчас уласных хаўтур

У Эстоніі легалізавалі аднаполыя шлюбы

Навукоўцы стварылі першы ў свеце зародак чалавека ў лабараторыі. Як і галоўнае — навошта?

Клас
19
Панылы сорам
1
Ха-ха
1
Ого
2
Сумна
1
Абуральна
1