Indyjski Mcdonald's vypuściŭ rekłamu, jakuju ŭ internecie nazvali prapahandaj damahańniaŭ na pracoŭnych miescach
Kampanija imknułasia źniać ramantyčny siužet, ale daloka nie ŭsie acanili hety kreatyŭ.
![](http://d3kcf2pe5t7rrb.cloudfront.net/img/w732d4webp1/photos/z_2023_06/2023-06-12185924-wuoso.png.webp)
Skrynšot videa
Pa siužecie rolika mužčyna prajaŭlaje cikavaść da dziaŭčyny-kasira. Zjeŭšy zamovu, jon znoŭ ustaje ŭ doŭhuju čarhu, kab jašče raz pahavaryć ź dziaŭčynaj. Mužčyna-kasir na svabodnaj kasie pobač zaprašaje chłopca zrabić zamovu, ale toj admaŭlajecca, kab pahavaryć ź dziaŭčynaj jašče raz.
«Spatkańnie… pa canie 179 rupij» — havoryć słohan rekłamy.
Ale ŭ internecie ramantyčny kreatyŭ Mcdonaldʼs nie acanili. Rekłamu raskrytykavali za abjektyvacyju žančyn u pahoni za prybytkam i prapahandu damahańniaŭ na pracoŭnych miescach, a taksama za stvareńnie niebiaśpiečnych umoŭ dla pracy praz zaachvočvańnie da flirtu z boku klijentaŭ.
Kamientary