Aleh Hazmanaŭ stanie chedłajnieram «Muzyčnych viečaroŭ u Mirskim zamku»
«Muzyčnyja viečary ŭ Mirskim zamku» — letni fiestyval la ścien zamkavaha kompleksu «Mir», jakomu ŭžo bolš za dziesiać hadoŭ, sioleta projdzie 16-17 červienia. U prahramie čatyry «hrandyjoznyja kancerty», siarod jakich chedłajnieram stanie «solnik» rasijskaha vykanaŭcy Aleha Hazmanava, piša Reform.by.
Adkryvać prahramu 16 červienia budzie Nacyjanalny kancertny arkiestr imia Michaiła Finbierha z šou «Muzyka pa-za časam».
Na solny kancert Viktoryi Aleški «Sapraŭdnaje zołata» ŭ hety ž dzień zavitaje admysłovy hość — Alaksandr Saładucha.
Kancert artystaŭ biełaruskaj estrady «Našy lubimyja» 17 červienia źbiare znajomych asob «pravilnaj pazicyi», siarod jakich Alena Łanskaja, Iryna Darafiejeva, Rusłan Alachno, Žanet, Viktoryja Aleška, Valeryj Šmat, dziaržaŭny ansambl «Pieśniary», hurt «Koza Nostra», hurt «Aŭra», art-hurt «Biełaruś», kavier-bend «Ružovyja ružy» dy inšyja śpievaki i śpiavački.
Simvalična «viančaje» prahramu «Muzyčnych viečaroŭ» u Miry solny kancert narodnaha artysta Rasijskaj Fiederacyi Aleha Hazmanava — vykanaŭcy, jaki ŭniesieny ŭ sankcyjnyja śpisy Jeŭrapiejskaha sajuza, Ukrainy, Šviejcaryi, Kanady, Łatvii, Litvy za ŭdzieł u raspaŭsiudžvańni dezynfarmacyi i prapahandy i jak asoba, jakaja maje dačynieńnie da «akupacyi, niezakonnaj anieksii i falšyvych refierendumaŭ na akupavanych terytoryjach Danieckaj, Łuhanskaj, Chiersonskaj i Zaparožskaj abłaściej».
«Ja nie vučyła dziaciej śpiavać himn i chadzić šychtom». Razmova z nastaŭnicaj Taćcianaj Krapinievič, jakaja źjechała z krainy praz danosy Bondaravaj2121
«Ja nie vučyła dziaciej śpiavać himn i chadzić šychtom». Razmova z nastaŭnicaj Taćcianaj Krapinievič, jakaja źjechała z krainy praz danosy Bondaravaj21
«Staršynia prosta biłasia hałavoj ab stoł. Paśla nam razdali kanvierty z hrašyma». Nastaŭnica była ŭ vybarčaj kamisii ŭ 2020-m — i voś što pabačyła1616
Kamientary
Rusko-mircy i łukašisty, prievratili vsiu biełaruskuju kulturu v sovkovo-rośsijskij bałahan i cirk, da kołchoznyj, pridorožnyj traktir.