Biełarusa mohuć vysłać z Polščy za nievykanańnie pravił karancinu ŭ 2021 hodzie. Jak tak atrymałasia?
U redakcyju MOST źviarnuŭsia Siarhiej (imia źmienienaje). Polskija ŭłady ŭnieśli jaho ŭ śpis niepažadanych za nievykanańnie ŭ 2021 hodzie karancinu praz kavid. Takoje rašeńnie było pryniataje, choć mužčyna raniej zapłaciŭ štraf.
Siarhiej pryjechaŭ u Polšču, kab pracavać kiroŭcam-mižnarodnikam. Mužčyna prylacieŭ u krainu ŭ pačatku 2021 hoda. Supracoŭnik aeraporta spytaŭ pra karancin, i kaleha, ź jakim Siarhiej prybyŭ, skazaŭ, što dla kiroŭcaŭ-mižnarodnikaŭ jon nie patrebny.
— Ja tak razumieju, što rabotnik aeraporta zanios maje źviestki, što ŭ mianie jość miesca dla karancinu. U lubym razie jon addaŭ mnie pašpart, nijakich dadatkovych papier i abaviazacielstvaŭ ja nie padpisvaŭ. Paśla hetaha my z kaleham adpravilisia da miesca pracy. Ja aformiŭ usie dakumienty i praź niekalki dzion adpraviŭsia ŭ Biełaruś čakać svajho rejsa. Na polskaj miažy mnie skazali, što ja parušyŭ karancin. My damovilisia, što ja adrazu ž zapłaču «mandat karny» — blizu 50 dalaraŭ. U mianie zastałasia kopija mandata.
Paśla hetaha Siarhiej niekalki razoŭ pierasiakaŭ miažu, nijakich pytańniaŭ u pamiežnikaŭ bolš nie ŭźnikała. Kančatkova mužčyna pierajechaŭ u Polšču ŭ kancy 2021 hoda — razam z žonkaj i tryma maleńkimi dziećmi. Starejšaje dzicia chodzić u škołu, siaredni naviedvaje dziciačy sad, a małodšy rychtujecca tudy pajści ŭ vieraśni.
U 2022 hodzie pryjšło paviedamleńnie, što Siarhiej uniesieny ŭ śpis zamiežnikaŭ, znachodžańnie jakich u Polščy niepažadanaje, i šenhienskuju infarmacyjnuju sistemu (SIS). Ciapier idzie praces anulavańnia dazvołu na pracu i dazvołu na žycharstva.
— Tak jak ja zaniesieny ŭ śpis SIS, ja ciapier nie mahu jeździć pa Jeŭropie i pracavać u inšych krainach, tolki ŭ Polščy. Tamu ja zvolniŭsia z papiaredniaha miesca i ŭładkavaŭsia na inšaje. Heta adbiłasia na zarobku. A siamja ŭ mianie vialikaja, treba ŭtrymlivać dziaciej.
Usio, što skazali Siarhieju pra pryčyny takoha rašeńnia: «U suviazi z parušeńniem karancinnaha režymu». Bolš infarmacyi dać nie mohuć pavodle zakona ŭ tym liku jurystu, bo ŭ śpisy mužčynu zanieśli praz toje, što jon «ujaŭlaje pahrozu hramadstvu». Sprava idzie biez udziełu biełarusa.
«Ja pamiž mołatam i kavadłam»
Siarhiej źviartaŭsia pa dapamohu ŭ fond Okno na Wschód. Tam jamu paraili jurysta, jaki zajmajecca padobnymi spravami.
— Juryst mnie patłumačyŭ, što jak tolki źjavicca rašeńnie ab anulavańni dazvołu na pracu, jon padaść apielacyju ab tym, što dla takoha rašeńnia niama padstaŭ. I pakul budzie iści razhlad apielacyi ja zmahu tut žyć i pracavać.
Na hety momant u Siarhieja lehalny status znachodžańnia — dazvoł na pracu i dazvoł na žycharstva. Žonka i dzieci źjechali ź Biełarusi pa humanitarnaj vizie i na jaje padstavie aformili DNŽ.
«Z kanca 2021 hoda my ni razu nie pryjazdžali ŭ Biełaruś. Ja i žonka ŭdzielničali ŭ pratestach. My nie siadzieli na sutkach, ale da nas prychodzili ź milicyi, pravodzili hutarki, papiaredžvali ab adkaznaści za ekstremizm. Tamu my nie stali čakać pakul pa nas pryjduć i prosta źjechali ŭsioj siamjoj. Paśla taho jak my źjechali, pačali prychodzić da baćkoŭ, šukać nas. I ciapier jość krynicy, jakija kažuć, što nas šukajuć. Značyć, u Biełaruś nam viartacca nielha. Tamu stan ciapier taki niezrazumieły — pamiž mołatam i kavadłam», — śćviardžaje Siarhiej.
Siarhiej spadziajecca, što hety artykuł dapamoža vyrašyć niaprostuju situacyju. Kali vy chočacie dapamahčy, kantakty mužčyny jość u redakcyi Most.
«Dla Kijeva było b lepš, kab Biełarusi nie isnavała naohuł». Vialikaja razmova z ukrainskim palitołaham Jaŭhienam Mahdam25
Kamientary
A vsie izza odnoho mudaka na hranicie..kotoryj ničieho nie ponimať!! Daun kotorych tut mnoho..