Praviadzieńnie ŭ Ryzie ČS pa chakiei pryniesła ekanomicy Łatvii 44 miljony jeŭra
Ryhu naviedała ahułam 30 000 chakiejnych zaŭziataraŭ. U łatvijskuju stalicu padtrymać svaich pryjechała bolš za ŭsio zaŭziataraŭ sa Šviejcaryi, Čechii i Słavakii.
Pavodle papiarednich padlikaŭ, praviadzieńnie čempijanatu śvietu pa chakiei ŭ stalicy Łatvii mahło pryciahnuć u ekanomiku krainy dadatkova 44 miljony jeŭra, paviedamlaje Delfi.
Cikava, što choć hulni hrupy A čempijanatu prachodzili ŭ finskim Tampiere, niekalki sotniaŭ finskich zaŭziataraŭ addali pieravahu chakiejnaj atmaśfiery Ryhi.
«Padčas chakiejnaha čempijanatu abarot pradprymalnikaŭ pavialičyŭsia ŭ siarednim na 30—50%. Bary i kafe z terasami taksama damahlisia rekordna vysokich pakazčykaŭ prybytku ŭ paraŭnańni z hetym pieryjadam u papiarednija hady», — paviedamiŭ staršynia praŭleńnia Łatvijskaj asacyjacyi baraŭ Oskars Ikstens.
Razam z pačatkam turystyčnaha siezona i bujnymi padziejami, jakija prajšli ŭ Ryzie ŭ mai — Ryžskim marafonam Rimi i čempijanatam śvietu pa chakiei — značna palepšylisia i pakazčyki zapaŭnialnaści hatelaŭ. U mai zapaŭnialnaść najbujniejšych hatelaŭ Ryhi na 50% vyšejšaja, čym u krasaviku, i dasiahaje dapandemičnaha ŭzroŭniu.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary