Z paniadziełka pačynajucca novyja raskopki na miescy staroha Mienska. I ŭ ich možna ŭziać udzieł lubomu achvotnamu
Z paniadziełka, 29 maja, startujuć novyja archieałahičnyja raskopki ŭ starym Miensku, na zamčyščy i sieliščy XI stahodździa, dzie pačynałasia mienskaja historyja. Heta ŭnikalnaja mahčymaść dakranucca da pradmietaŭ, jakija pralažali ŭ ziamli 1000 hod!
Hrafik na nastupny tydzień — z paniadziełka pa subotu ŭklučna, prykładna z 10.00 da 16.00. Paŭdzielničać moža luby achvotny.
Praŭda, małych dziaciej (da 10 hadoŭ) brać z saboj nie rekamiendujecca, pakolki praca rucinnaja i patrabuje pilnaści. Pry sabie treba mieć pracoŭnaje adzieńnie i abutak, rukavicy, ssabojku, pitnuju vadu. Ryštunak (rydloŭki, skrabki) vydajecca na miescy.
Pierad tym jak jechać, lepiej u pracoŭny čas napiaredadni patelefanavać i ŭdakładnić, ci buduć zaŭtra raskopki, bo časam praz doždž raboty admianiajucca.
Dajazdžać treba da siadziby «Stary Miensk» i na miescy telefanavać pa kantaktnym numary. Raskopki buduć adbyvacca za 200 mietraŭ ad siadziby. Kantaktny telefon: +375295782375.
Čytajcie taksama:
Padčas raskopak na Miency znajšli artefakty X-XII stahodździaŭ
U Mścisłavie ŭ hetym hodzie raspačnuć rekanstrukcyju zabudovy XII—XIV stahodździaŭ na Zamkavaj hary
Kamientary