U Kałumbii čaćviora dziaciej praviali paśla avijakatastrofy 16 dzion u džunhlach i vyžyli
U džunhlach Kałumbii znajšli žyvymi čatyroch dziaciej, jakija znachodzilisia na borcie samalota Cessna 206, što paciarpieŭ krušeńnie 1 maja. Ich na praciahu 16 dzion šukali miascovyja vajskoŭcy.
«My znajšli žyvymi čatyroch dziaciej, jakija źnikli bieź viestak u vyniku avijakatastrofy ŭ Huaŭjary. Radaść dla krainy», — adznačyŭ prezident Kałumbii Hustava Pietra ŭ siabie ŭ tvitary. Pra heta piša vydańnie El Tiempo.
Samalot Cessna 206 padaŭ avaryjny sihnał 1 maja. Praz 370 hadzin pošukaŭ było znojdzienaje miesca avijakatastrofy. Na borcie znachodziłasia cieła piłota, paźniej atrymałasia apaznać jašče dva cieły — druhoha piłota i maci małych.
U toj ža čas čatyroch dziaciej žančyny va ŭzroście 13, 9, 4 hadoŭ i 11 miesiacaŭ nidzie nie było. Heta davała nadzieju, što dzieci žyvyja, i jana apraŭdałasia. Na hety momant dzieci ŭ biaśpiecy. Toje, što jany nie zahinuli ŭ džunhlach, dzie vyšynia dreŭ dasiahaje 40 mietraŭ i vodziacca niebiaśpiečnyja žyvioły — sapraŭdny cud.
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary