Ludziam, jakija budujuć žyllo pa lhotach, bolš nie buduć naviazvać mašynamiescy
U damovy budaŭnictva žylla ź dziaržpadtrymkaj zabaranili ŭklučać mašynamiescy. Pastanova Saŭmina z hetaj nahody apublikavanaja na Nacyjanalnym pravavym partale.
Chutčej za ŭsio, heta budzie aznačać, što parkoŭki kala damoŭ pa-raniejšamu buduć budavać, ale abaviazkova pryviazvać mašynamiesca da kupli kvatery ŭžo nie stanuć. Heta tyčycca lubych žyłych pamiaškańniaŭ, jakija budujuć z pryciahnieńniem biudžetnych srodkaŭ.
Raniej pry abaviazkovaj kupli ŭ dadatak da kvatery parkovačnaha miesca košt žylla pavialičvaŭsia. U vyniku ludziam mahli admaŭlać u lhotnym kredycie na mašynamiesca, taksama jak i ŭ subsidyi.
Pastanova ŭstupaje ŭ siłu z 12 maja, ale jana nie raspaŭsiudžvaje svajo dziejańnie na damovy, zaklučanyja raniej.
Kamientary