Miarkujecca arhanizavać uzajemnyja abmieny, a taksama pryjom u Biełarusi dziaciej z akupavanych terytoryj Danbasa.
Sumiesnyja prajekty «Biełaj Rusi» i Rassupracoŭnictva buduć nakiravanyja na dapamohu dzieciam, jakija paciarpieli na terytoryjach DNR i ŁNR, paviedamiŭ u pres-centry «Sputnika Biełaruś» staršynia partyi «Biełaja Ruś» Aleh Ramanaŭ.
«Dumaju, heta dobry, cikavy kirunak našaha supracoŭnictva. Heta z ulikam taho, što ŭ skład Rasijskaj Fiederacyi ŭvajšło niekalki novych rehijonaŭ, i situacyja tam, prama skažam, jašče dalokaja nie tolki ad spakoju, ale i ad narmalnaha žyćcia. Prynamsi, u niejkich častkach hetych rehijonaŭ», — padzialiŭsia mierkavańniem kiraŭnik partyi.
U svaju čarhu kiraŭnik pradstaŭnictva Rassupracoŭnictva ŭ Respublicy Biełaruś Juryj Makušyn adznačyŭ, što niekatoryja prajekty pa dapamozie Danbasu ŭžo ažyćciaŭlajucca.
Ramanaŭ paabiacaŭ, što padtrymaje sumiesnuju inicyjatyvu i jak kiraŭnik hramadskaha abjadnańnia, i jak staršynia partyi.
«Ciapier ja ŭznačalvaju i toj, i inšy kirunak dziejnaści i hatovy ŭklučacca ŭ hetuju pracu. I kali patrabujecca naš udzieł u niejkich pytańniach, my možam hetuju dziejnaść pačać i efiektyŭna ažyćciaŭlać», — skazaŭ na zakančeńnie Ramanaŭ.
Kamientary