«Ty ž mužyk. Budź im». U prapahandysckim roliku Minabarony Rasii z Z-rekłamaj słužby pa kantrakcie źniaŭsia biełarus
Adzin z aktoraŭ prapahandysckaha videarolika Minabarony Rasii, u jakim zaklikajuć mužčyn słužyć pa kantrakcie, źniaŭsia hramadzianin Biełarusi Maksim Šałypin, daviedałasia «Ahientstvo».
Rolik z rekłamaj kantraktnaj słužby ŭ vojsku zjaviŭsia ŭ telehram-kanale Minabarony viečaram 19 krasavika. U im pakazanyja achoŭnik, fitnes-trenier i taksist, jakija stanoviacca vajennymi i nadziavajuć formu z našyŭkaj Z. «Ty ž mužyk. Budź im», — havorycca ŭ roliku, paśla čaho zjaŭlajecca abiacańnie ab hrašovych vypłatach.
Šałypin hraje rolu fitnes-treniera. Pry jaho zjaŭleńni ŭ roliku ŭspłyvaje fraza «Chiba ŭ hetym tvaja siła?». Zatym pa siužecie jon stanovicca vajskoŭcam i nadziavaje formu z našyŭkaj u vyhladzie litary Z.
Maksim Šałypin sapraŭdy byŭ fitnes-trenieram u biełaruskim kłubie ŭ Viciebsku, pra što «Ahientstvu» paviedamili ŭ samim kłubie.
Sa źlitych baz vynikaje, što ŭ mužčyny hramadzianstva Biełarusi. Na staroncy ŭ VK pakazany jaho rodny horad — Viciebsk. Pry hetym ciapier, miarkujučy pa Instagram jon žyvie ŭ Maskvie, praciahvaje treniravać i zajmacca bodzibiłdynham. Na staroncy jon nazyvaje siabie madellu, aktoram i bajkieram.
Šałypin admoviŭsia adkazvać na pytańni žurnalista.
U Biełaruskaj pravasłaŭnaj carkvie abnavili ceńnik? Voś jakija buduć rekamiendavanyja taryfy1
Kamientary