Mahčyma, stała viadoma, pad jakoj nazvaj buduć pracavać pierajemniki «Makdonaldsa» ŭ Biełarusi
Restarany byłoj sietki «Makdonalds» u Biełarusi mohuć zapracavać pad šyldaj MAK.by. Zajaŭku na rehistracyju takoha tavarnaha znaka ŭ pačatku krasavika padała sietka «KSB Viktary Restarany», zaŭvažyŭ reform.by.
Zajaŭka raźmieščana ŭ bazie danych Nacyjanalnaha centra intelektualnaj ułasnaści.
Usiaho padadziena try zajaŭki ŭ dvuch kolerach, a taksama zajaŭka na sam tavarny znak MAK.by. Adna ź ich paŭtaraje kolery nadpisaŭ «My adkrytyja», pad jakim pierazapuścili sietku paśla sychodu amierykanskaj franšyzy.
Na naradzie 12 śniežnia Łukašenka zajaviŭ, što «Makdonalds» ciapier «naša pradpryjemstva».
U lutym restarany stali pracavać pad nazvaj «My adkrytyja».
Padčas pasłańnia da naroda Łukašenka narakaŭ, što jamu davodzicca šmat što rabić samomu: «umiešvacca i vučyć to taho, to hetaha, to «Makdonalds» niejki pierarablać u «Makbaj».
Kamientary