Andžej Duda padkreśliŭ, što ataka na miažy ź Biełaruśsiu niezdarma nazyvajecca «hibrydnaj» i jana dobra zadakumientavana. U intervju Polskamu radyjo prezident Polščy skazaŭ, što adkaznaść za napady na polskaj miažy niasuć biełaruskija słužby:

— Adkaznaść niasie biełaruski režym, biełaruskaja dziaržava. Heta paćviardžajecca i tym, što słužby vyciskajuć mihrantaŭ da miažy i prymušajuć ich atakavać miažu — nie dazvalajuć pierachodzić praz pamiežnyja pierachody ŭ adpaviednaści z zakonami, a praz «zialonuju miažu», nielehalna.

Prezident Andžej Duda papiaredziŭ, što situacyja moža paŭtarycca i na Suvałskim kalidory, jaki moža stać abjektam hibrydnych napadaŭ.

Suvałski kalidor — suchaputny «kalidor» daŭžynioj kala 100 kiłamietraŭ, jaki moh by złučyć terytoryju Biełarusi z Kalininhradskaj vobłaściu Rasii. Ciapier pa hetaj terytoryi prachodzić miaža Polščy ź Litvoj.

Litva padaść na Biełaruś u Mižnarodny sud za pravakavańnie mihranckaha kryzisu

Usie znoŭ zahavaryli pra Suvałski kalidor. U čym jahonaje značeńnie i niebiaśpieka?

Клас
0
Панылы сорам
0
Ха-ха
1
Ого
6
Сумна
0
Абуральна
3