Sučasnyja leciščy kala Minska. Jak vyhladajuć i kolki kaštujuć
10 kłasnych varyjantaŭ u Minskaj vobłaści.
Z nabližeńniem letniaha siezona ŭzrastaje cikavaść biełarusaŭ da nabyćcia leciščaŭ. Pry hetym bolšaść pakupnikoŭ cikaviać nie zborna-ščytavyja domiki, u jakich adsutničajuć vyhody (takija možna kupić tańniej za 43 tysiačy rubloŭ, to-bok 15 tysiač dalaraŭ), a paŭnavartasnyja katedžy, prystasavanyja dla pražyvańnia ŭ ciopły siezon ci navat ceły hod. Košt takich prapanoŭ zvyčajna pieravyšaje 57 tysiač rubloŭ (20 tysiač dalaraŭ). Možna znajści ŭ dačnych tavarystvach i sapraŭdnyja pałacy, čyj košt lohka «lacić» za 287 tysiač rubloŭ (100 tysiač dalaraŭ), piša kufar.by.
Sadovaje tavarystva «Biarozka-68» znachodzicca ŭ prestyžnym maładziečanskim kirunku. Ad MKAD — usiaho 25 kiłamietraŭ pa asfalcie. Vakoł les, bahaty na hryby i jahady. Jość navat hramadski transpart: chodzić maršrutka i rejsavyja aŭtobusy.
Tut pradajecca dahledžany dom, całkam adramantavany i hatovy da pražyvańnia. Jość kuchnia, stałovaja, haścioŭnia i spalnia. Akramia taho, jość kamin i draŭlany hanak z naviesam. Razam z domam pradajecca dvuchpaviarchovaja łaźnia.
Da minusaŭ hetaha varyjanta možna adnieści nievialiki ŭčastak (5,48 sotki), adsutnaść vodapravoda, a taksama piačnoje aciapleńnie. Ale hetyja niedachopy lohka kampiensujucca vyhadnym raźmiaščeńniem, pryvabnaściu domika i ŭmieranaj canoj — usiaho 86953 rubli (29990 dalaraŭ).
U tym ža maładziečanskim kirunku, ale za 35 kiłamietraŭ ad MKAD znachodzicca ST «Tonus». Tut pradajecca vielmi malaŭničy karkasny dom 2020-ha hoda pabudovy ahulnaj płoščaj 91,6 m kv. Jon raźmieščany na krajnim učastku niepasredna pobač ź lesam. Niepadalok — vytok Biareziny i raka Uša.
Vada i elektryčnaść praviedzieny ŭ dom. Kanalizacyja miascovaja. Ustalavany bojler. Pry hetym u abjavie skazana, što «jość mahčymaść padklučycca da centralnaha vodazabieśpiačeńnia dla kruhłahadovaha vykarystańnia ź indyvidualnaj apłataj pa ličylniku».
Na pieršym paviersie znachodziacca adkrytaja terasa, kuchnia, sanvuzieł i vialikaja haścioŭnia. Na mansardnym paviersie — vialiki žyły pakoj z dvuma voknami. Učastak nievialiki — 5,16 sotki. Cana — 98580 rubloŭ (34000 dalaraŭ ZŠA).
Jašče adzin vydatny varyjant u kirunku Maładziečna — dom u sadovym tavarystvie «Haryzont-82». Jaho ahulnaja płošča — 74,4 m kv., učastak — 6,35 sotki. U hetaha ST davoli ŭdałaje raźmiaščeńnie: vakoł les, niedaloka stancyja elektryčki «Praleska».
Dom adramantavany. Akramia nievialikaj kuchni i haścinaj, jość dźvie izalavanyja spalni. U sanvuźle ŭstalavana dušavaja kabina i bojler. Na ŭčastku pabudavana łaźnia i jość kupiel. Taksama jość haraž.
Hety dom pradajecca za 101476 rubloŭ (34999 dalaraŭ).
Nie mienš prestyžnym ličycca miadzielski kirunak. Tut, za 20 kiłamietraŭ ad Minska, u sadovym tavarystvie «Ramonak Sałamarečanski» pradajecca lecišča ahulnaj płoščaj 64,9 m kv. Učastak — 4,17 sotki.
Heta karkaśnik 2017-ha hoda pabudovy. Na pieršym paviersie znachodziacca kuchnia-haścioŭnia, izalavanaja spalnia i paasobny sanvuzieł, u jakim ustanoŭlena navat elektryčnaja saŭna. Na druhim paviersie — jašče adzin pakoj.
Vada sa śvidraviny, aciapleńnie na elektryčnaści, kanalizacyja miascovaja.
Cana hetaha lecišča — 101479 rubloŭ (35000 USD).
U abjavie heta lecišča, jakoje znachodzicca ŭ ST «Suviazist» u Astrašyckim sielsaviecie, nazvana «najmilejšym». Akuratny, «piernikavy» domik na 35 m kv. robić vielmi pryjemnaje ŭražańnie. Usiaredzinie ŭsio zroblena taksama hranična akuratna, z uvahaj da detalaŭ. Dyzajn pamiaškańniaŭ vykanany ŭ styli kantry ź biełaruskaj śpiecyfikaj. Na pieršym paviersie raźmieščany prastornaja kuchnia i haścioŭnia z kaminam. Na druhim — spalnia. Akramia taho, jość łaźnia z parylniaj na drovach i dušavoj kabinaj. Roŭny dahledžany ŭčastak płoščaj 4,5 sotki. Na im pabudavany haspadarčy błok. Aciapleńnie piačnoje, vada siezonnaja, kanalizacyja miascovaja. Adlehłaść da MKAD — usiaho 22 kiłamietry. Pobač jość aŭtobusny prypynak. Cana hetaha varyjanta — 115686 rubloŭ (39900 dalaraŭ).
Zusim blizka da Minska, za 12 kiłamietraŭ ad MKAD, pradajecca ŭtulnaje lecišča ahulnaj płoščaj 68 m kv. Jano znachodzicca ŭ sadovym tavarystvie «Ekran» u Ždanovickim sielsaviecie. Dom pabudavany ŭ 2021-m hodzie, jak skazana ŭ abjavie, «z sučasnym i pradumanym ramontam». Jon padychodzić dla kruhłahadovaha pražyvańnia.
Vada pastupaje z ułasnaj śvidraviny, jość elektryčnaść. Aciapleńnie piačnoje, ale padłohi z padahrevam. Usie vyhody ŭ domie. Płošča ŭčastka — 3,8 sotki.
Dziakujučy blizkaści da Minska, ST uvachodzić u zonu «Jandeks.Taksi» i «Je-dastaŭki».
Košt hetaj prapanovy — 155118 rubloŭ (53500 dalaraŭ ZŠA).
Vialikaj papularnaściu ŭ minčan karystajecca maskoŭski kirunak. Tut, za 21 kiłamietr ad MKAD, u ST «Nadzieja-Ardzi» (Zabałocki sielsaviet) pradajecca sučasnaja dvuchpaviarchovaja dača ahulnaj płoščaj 64 m kv.
Asabliva ŭ hetaj abjavie, akramia kłasnaha dyzajnu eksterjeru i interjera, pryciahvajuć uvahu kamunikacyi. Vada padajecca sa śvidraviny, aciapleńnie na elektryčnaści, kanalizacyja miascovaja. Adnak hałoŭnaje — da ŭčastka padviedzieny haz, navat prajekt padklučeńnia da doma apłačany, zastałosia tolki jaho realizavać.
U domie jość usia nieabchodnaja bytavaja technika.
Unutry kuchnia-haścioŭnia, dva žyłyja pakoi, harderobnaja, sumieščany sanvuzieł. Na vialikim (5,48 sotki) i dahledžanym učastku pravilnaj formy raźmieščana zona adpačynku z sadovaj meblaj i barbiekiu, a taksama asobna staić haspadarčy błok. Na ŭčastku rastuć šmathadovyja pładovyja drevy: jabłyni, hruša, śliva, višnia, — a taksama dekaratyŭnyja nasadžeńni: vierby, kanadskaja jełka, tui.
Prosiać za heta lecišča 159467 rubloŭ (55000 dalaraŭ).
Harnałyžnyja kurorty «Siličy» i «Łahojsk» — vydatnyja miescy dla adpačynku i praviadzieńnia volnaha času. Napeŭna, mieć niepadalok ad ich ułasnaje žyllo vielmi kruta. Sadovaje tavarystva «Vierahi» jakraz znachodzicca pobač. Tut vystaŭleny na prodaž pryhožy dačny domik ahulnaj płoščaj 48,6 m kv. Jašče adzin niesumnienny plus — vielizarny pa dačnych mierkach učastak płoščaj 9 sotak. Jon znachodzicca ŭ pryvatnaj ułasnaści.
Z kamunikacyj u abjavie adznačany vada sa śvidraviny i elektryčnaść. Jość mahčymaść padklučyć i haz — truba prachodzić prama kala doma.
Košt pytańnia — 173674 rubli (59900 dalaraŭ ZŠA).
ST «Zapadhorje» znachodzicca ŭ Ždanovickim sielsaviecie. Da MKAD usiaho 12 kiłamietraŭ. Tut možna kupić vydatnaje lecišča ahulnaj płoščaj 65,7 m kv. Plus učastak 4 sotki.
Dom zusim novy, 2021-ha hoda pabudovy, i takoha ž sučasnaha dyzajnu. Jon pryznačany dla kruhłahadovaha pražyvańnia. Na dvuch pavierchach raźmiaścilisia kuchnia, try pakoi i sanvuzieł.
Padača vady ažyćciaŭlajecca sa śvidraviny, aciapleńnie elektryčnaje na asnovie ciepłavoj pompy.
Na ŭčastku jość altanka. Vykładzieny novy hazon.
Haspadary chočuć za heta lecišča 191360 rubloŭ (66000 dalaraŭ).
Voś vielmi cikavaja prapanova kala Rakava, ST «Śvisłač». Cana na heta lecišča była źnižana! Heta dvuchpaviarchovy dom z acylindravanaha biarvieńnia ahulnaj płoščaj 76 m kv. Płaniroŭka składajecca z kuchni-haścioŭni, izalavanaj spalni na pieršym paviersie i jašče adnaho pakoja na druhim. Sanvuzieł z usimi vyhodami ŭ domie. U košt uvachodzić usia mebla. Tut siezonnaja vada, za aciapleńnie adkazvajuć elektrakanviektary. Učastak (6,36 sotki) vyraŭnavany, zasiejany novym hazonam, dobraŭparadkavana zona barbiekiu. Taksama asobna staić haspadarčy błok. Košt hetaha lecišča — 185562 rubli (64000 dalaraŭ).
«Biełarusy buduć cichieńka dumać svajo. A vada kamień točyć, dyj Łukašenka fizična nie viečny». Hłyboki manałoh byłoha mytnika Alesia Jurkojcia5
Kamientary