«Z dapamohaj «jadziernaj dubinki» Pucin choča pakazać usiamu śvietu, što impieryja viarnułasia»
Raźmiaščeńnie rasijskaj jadziernaj zbroi ŭ Biełarusi maje dla Rasii nie tolki palityčnaje, ale i hłybokaje simvaličnaje značeńnie, piša historyk Alaksandr Frydman. Pryvodzim jaho dopis.
Raźmiaščajučy jadziernuju zbroju ŭ krainach Varšaŭskaj damovy, SSSR padkreślivaŭ ich poŭnuju zaležnaść ad «starejšaha brata» i «nastaŭnika». Paśla krušeńnia kamunizmu va Uschodniaj Jeŭropie i razvału Savieckaha Sajuza jadziernaja zbroja tolki vyvoziłasia, ale ŭžo bolš nie zavoziłasia. Vyvaz jadziernaj zbroi i vyvad savieckich vojskaŭ staŭ dla RF i jaje siońniašniaha kiraŭnictva adnym ź simvałaŭ hibieli impieryi.
Siońnia ŭ Maskvie nie tolki dumajuć impierskimi katehoryjami (taki vobraz myśleńnia ŭ Kramli byŭ i ŭ 1990-ja), ale hratesknyja revanšysty adkryta kažuć pra imknieńnie adradzić impieryju, uklučyŭšy ŭ jaje «histaryčnyja rasijskija katehoryi». I voś zaraz z dapamohaj «jadziernaj dubinki» Pucin choča pakazać usiamu śvietu, što «impieryja viarnułasia».
Historyja savieckaj (rasijskaj) jadziernaj zbroi ŭ Jeŭropie ŭ XX stahodździ kaža, adnak, pra toje, što maskoŭskija jadziernyja avantury i hulni vajskovymi muskułami ŭ vyniku zakančvajucca vyvazam zbroi, vyvadam vojskaŭ, vyzvaleńniem i demakratyzacyjaj krain z byłoj zony ŭpłyvu, a taksama krušeńniem samoj impieryi. Tak što možna skazać, što archaičnyja dyktatary z XX stahodździa Uładzimir Pucin i Alaksandr Łukašenka intuityŭna abrali pravilny histaryčny šlach.
Čytajcie taksama:
Kreml uziaŭ Biełaruś u jadziernyja zakładniki — Daniłaŭ
Sachaščyk: My pavinny niešta zrabić, kab rasijskim vojskam u Biełarusi stała vielmi niekamfortna
Pientahon: Niama nijakich prykmiet, što RF płanuje prymianić jadziernuju zbroju
Žycharcy Mahilova pahražajuć kryminałkaj za toje, što źniała ranišniuju čarhu ŭ rehistraturu3
Kamientary
Voś tabie NN analiz top-uzroŭnia:
1. Miesiac tamu Pucin adpraviŭ Łukašenku ŭ Pekin na ahledziny: ci možna jamu davieryć jadziernuju zbroju?
2. Rašeńnie pra pieravoz zbroi u Biełaruś Pucin ahučyŭ adrazu paśla pieramoŭ s kitajskim lidaram, choć Łukašenka prasiŭ daŭno.
3. Zbroju pahražajuć raźmiaścić za 100 km ad Rasiejskaj miažy, a dla paraŭnańnia Chruščoŭ staviŭ rakiety za 100 km ad miažy amierykanskaj.
4. Zbroju Łukašenku nie davierać, ahledŭiny jon nie prajšoŭ.
Vysnovy? Rasieja nadta słabaja i nie maje sajuźnikaŭ i upłyvu. Rasieja zaležyć ad mierkavańnia Kitaja navat u stratehičnych pytańniach i adnosinach z adzinym chaŭruśnikam.
Možacie drukavać biaspłatna ŭ rubrycy analityka.