U Iŭi vynieśli prysud ksiandzu za pjanaje DTZ. U avaryi zahinuŭ čałaviek, jakoha pakinuli biez dapamohi
Ksiandza Dzianisa Brazinskaha, jaki ŭ krasaviku 2022 hoda patrapiŭ u avaryju i pakinuŭ na jaje miescy pamirajučaha pasažyra, asudzili na siem hadoŭ pazbaŭleńnia voli. Taki pryhavor vynies sud Iŭjeŭskaha rajona 10 sakavika 2023 hoda, piša Hrodna.life.
Što adbyłosia
U krasaviku 2022 hoda na traśsie Łubianiaty — Halimščyna — Vihuški 30-hadovy Brazinski za styrnom Volkswagen vyjechaŭ za prajezdžuju častku. Mašyna pierakuliłasia niekalki razoŭ. 31-hadovy pasažyr atrymaŭ ciažkija traŭmy i nie moh akazać sabie dapamohu, a taksama vyklikać chutkuju.
Kiroŭca pakinuŭ miesca zdareńnia, a pasažyr pamior.
Padčas śledstva abvinavačany śćviardžaŭ, što nie pamiataje abstaviny DTZ. Pavodle śledčych, Brazinski ŭhnaŭ mašynu ŭ svajho siabra, ź jakim jon u toj dzień spažyvaŭ ałkahol. Kali ŭładalnik aŭto pajšoŭ spać, asudžany vyrašyŭ skarystacca aŭtamabilem i pakatacca sa znajomym. Pavodle ekśpiertyzy, u momant zdareńnia aŭtamabil jechaŭ z chutkaściu 114 km/h zamiest dazvolenych 90.
U čym jaho abvinavacili
Brazinskaha abvinavacili pavodle troch artykułaŭ Kryminalnaha kodeksa Biełarusi.
- art. 317 č. 4 (parušeńnie praviłaŭ darožnaha ruchu i ekspłuatacyi transpartnych srodkaŭ asobaj, jakaja kiruje u stanie ałkaholnaha apjanieńnia, što paciahnuła pa nieaściarožnaści śmierć čałavieka);
- art. 159 č. 3 (zaviedamaje pakidańnie ŭ niebiaśpiecy, ździejśnienaje asobaj, jakaja sama pa nieaściarožnaści pastaviła paciarpiełaha ŭ niebiaśpiečny dla žyćcia i zdaroŭja stan);
- art. 214 č. 1 (uhon).
Što viadoma pra asudžanaha
Ksiondz Dzianis Brazinski pachodzić sa Smarhoni. U 17 hadoŭ pačaŭ navučańnie ŭ Hrodzienskaj vyšejšaj duchoŭnaj sieminaryi. Paśla jaje zakančeńnia ŭ 2016 hodzie jon słužyŭ u Mahilovie, u 2017−2020 hh. u Farnym kaściole ŭ Lidzie, potym ŭ Hrodzienskaj katedry, a da listapada 2021 hoda — u Iŭi. Apošniaje miesca słužeńnia ksiandza — Archikatedralny kaścioł u Minsku.
Chalezin: Nieŭźlin finansuje Chartyju'97 jašče z prezidenckich vybaraŭ 2010 hoda43
Kamientary