Śviet

U Hruzii prachodziać žanočyja maršy suprać zakona ab inšaziemnych ahientach

8 sakavika, u Mižnarodny dzień pravoŭ žančyn, u Tbilisi i inšych haradach Hruzii prachodziać maršy «Žančyny suprać tatalnaha kantrolu!». 

Pa słovach arhanizataraŭ maršu, u im biaruć udzieł usie tyja, čyjo žyćcio značna pahoršyć pryniaćcie zakona ab zamiežnych ahientach. Arhanizatary padkreślivajuć, što ludzi, jakija prajšli praz hvałt, a taksama žychary rehijonaŭ, mihranty, etničnyja i relihijnyja mienšaści, maci-adzinočki, baćki dziaciej z abmiežavanymi mahčymaściami, ludzi ŭ stałym uzroście i inšyja hrupy nasielnictva atrymlivajuć vielmi važnuju padtrymku pry dapamozie niaŭradavych arhanizacyj.

Kali zakon budzie pryniaty, to budzie abmiežavana i dziejnaść takich arhanizacyj, pry hetym buduć likvidavany i niezaležnyja ŚMI, jakija mahli b aśviatlać hetuju situacyju, adznačyli arhanizatary akcyi ŭ svaim manifieście.

U Tbilisi marš startavaŭ na płoščy Respubliki, adtul demanstranty nakiravalisia da parłamienta. La budynka parłamienta prysutnyja ich vitali krykami «Hruzija!».

Jak vynikaje ź videa, demanstranty išli sa ściahami Jeŭrasajuza pad barabanny boj, skandujučy łozunhi «Nie rasijskamu zakonu».

Anałahičnyja akcyi prajšli ŭ inšych haradach: Hory, Batumi, Kutaisi, Achałkałaki, Zuhdzidzi, Tełavi.

7 sakavika deputaty parłamienta Hruzii ŭchvalili ŭ pieršym čytańni adzin z dvuch zakonaprajektaŭ ab zamiežnych ahientach — «Ab prazrystaści zamiežnaha ŭpłyvu». Za jaho prahałasavali 76 deputataŭ, suprać — 13. Heta vyklikała šmattysiačnyja pratesty ŭ stalicy, ludzi pryjšli da parłamienta.

Razhaniajučy akcyju, hruzinskija siłaviki ŭžyli ślezaciečny haz i vadamioty. Pozna ŭviečary supraćstajańnie la parłamienta abvastryłasia: demanstranty ŭžyli «kaktejli Mołatava», a siłaviki — humovyja kuli. Palicyja zatrymała 66 čałaviek, ale častka demanstrantaŭ zastavałasia na miescy akcyi da ranicy, apazicyja paabiacała praciahnuć pratesty.

Pratestoŭcaŭ padtrymała prezidentka Hruzii Sałame Zurabišvili, jakaja akurat u toj čas znachodziłasia ź vizitam u ZŠA. Ale ŭ Hruzii prezident — pasada bolš cyrymanijalnaja, realny kiraŭnik dziaržavy — premjer-ministr.

Kamientary

Stryžak raskazaŭ, jak jaho vierbavali śpiecsłužby

Stryžak raskazaŭ, jak jaho vierbavali śpiecsłužby

Usie naviny →
Usie naviny

Z-kanał: Imavierna, Kryhier arhanizoŭvaŭ dyviersii ŭ Branskaj vobłaści5

Raiła bić nahoj u skivicu kožnamu maskvarotamu, nazyvała akupacyju Maryupala karmaj — chto takaja Iryna Faryjon, jakuju zabili ŭ Lvovie37

U Vilejskim rajonie kiroŭca pahruzčyka ledź nie ŭrezaŭsia ŭ pachavalnuju pracesiju

Ukraina śpiašajecca stvaryć vajennyja bieśpiłotniki sa štučnym intelektam1

Zialenski pavinšavaŭ Trampa z abrańniem kandydatam ad Respublikanskaj partyi i nazvaŭ jaho prezidentam7

30-chvilinny marynad dla prostaha kurynaha šašłyka6

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie3

bolš čytanych navin
bolš łajkanych navin

Stryžak raskazaŭ, jak jaho vierbavali śpiecsłužby

Stryžak raskazaŭ, jak jaho vierbavali śpiecsłužby

Hałoŭnaje
Usie naviny →