Ministerstva zamiežnych spraŭ Ukrainy vystupiła z zajavaj z nahody abvinavačvańniaŭ, jakija prahučali 7 sakavika ź Minska. Jano kateharyčna adprečyła «insinuacyi Alaksandra Łukašenki adnosna nibyta datyčnaści ŭkrainskaha boku da padziej na aeradromie «Mačuliščy», a taksama vykazałasia adnosna abrazaŭ na adras ukrainskaha prezidenta Uładzimira Zialenskaha.
«Kateharyčna adprečvajem insinuacyi Alaksandra Łukašenki adnosna nibyta datyčnaści ŭkrainskaha boku da padziej na aeradromie «Mačuliščy», — havorycca ŭ kamientaryi pres-słužby MZS Ukrainy. — Vidavočna, što heta źjaŭlajecca čarhovaj sprobaj stvaryć štučnuju pahrozu z boku Ukrainy dla apraŭdańnia svajoj padtrymki ahresii Rasii.
Pahrozu treba šukać nie va Ukrainie, jakaja zmahajecca za siabie i šukaje miru. Jana lažyć u Rasii, jakaja raznastajnymi sposabami sprabuje jašče bolš uciahnuć Biełaruś u vajnu, kančatkova pazbavić jaje niezaležnaści i suvierenitetu».
Što da abrazy Łukašenkam Uładzimira Zialenskaha, to ŭkrainskaje MZS adznačyła:
«Alaksandr Łukašenka taksama dazvoliŭ sabie hruby piersanalny vypad na adras Prezidenta Ukrainy. Hety akt biaśsilla pakiniem biez adkazu».
Čytajcie taksama:
Padalak: Dziejańni suprać rasijskaha samalota ŭ Mačuliščach — sprava ruk miascovych partyzan
«Pahavorym paśla našaj pieramohi». SBU admoviłasia kamientavać toje, što siońnia nahavaryŭ Łukašenka
Łukašenka nazvaŭ Zialenskaha «hnidaj», a «Bajpoł» — «mudakami»
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni14
Kamientary
Biełaruś budiet svobodna ot rašistov i ich kołobarantov.
Žyvie Biełaruś!