«Robiać heta tyja, chto ŭ našych šerahach». Mukavozčyk paprakaje prapahandystaŭ za bajaźlivaść
Prapahandyst haziety «SB. Biełaruś siehodnia» Andrej Mukavozčyk u kałoncy krytykuje kaleh, jakija nie padtrymlivajuć «kurs na ačyščeńnie».
Mukavozčyk piša, što jaho ŭraziŭ nastupny tezis kalehi:
«Akazvajecca, biełarusy ŭ masie svajoj nie padtrymlivajuć žorstki kurs na «ačyščeńnie» i «znojdziem kožnaha». Im, kažuć, nadakučyła».
Prapahandyst ličyć, što hetuju dumku im unušajuć, sprabujuć tak zapałochać.
«Pryčym robiać heta tyja, chto z nami, a nie suprać nas. Chto ŭ našych šerahach, pa adzin bok. Jakija navat ličacca bačnymi fihurami z kahorty «padtrymali krainu», — namiakaje jon na kahości z prapahandystaŭ.
Mukavozčyk narakaje, što jaho mienš radykalnyja kalehi «bajacca samavydumanaj bolšaści». I raić im bolš dbajna abirać znajomych ci adpačyć, kali stamilisia.
«Ja vam bolš skažu. Na maju zaŭvahu, što nie treba zabyvać: pieramažy nievierahodnyja tady ci ŭ budučyni, jany nas, jabaciek, viešali b (buduć viešać) na lichtarach, — na heta ja ad kalehi-prapahandysta pačuŭ, maŭlaŭ, voj! nu što heta znoŭ za kliše! nu chopić užo pra heta! Chare! I nie ŭsie prysutnyja byli ź im niazhodnyja, nie», — piša ŭ kałoncy Mukavozčyk.
I zaklikaje — prapahandyst nie pavinien być bajaźliŭcam.
«Bajaźlivy prapahandyst baicca tolki kasych pohladaŭ «usich svaich znajomych». Adrasavanych jamu za toje, što «dziaržava žaścić». Nu, i stracić dobrazyčlivaść načalstva taksama, mabyć, baicca».
A kali strašna, to vypisvajciesia z hetych šerahaŭ, zakančvaje razvahi Mukavozčyk.
«Ci varta peckacca, papularyzujučy hetuju hramadzianku?» Častka prapahandystaŭ pajšła vajnoj na Bondaravu
Andrej Dźmitryjeŭ źjeździŭ u Bundestah, kab davieści nieabchodnaść udziełu Łukašenki ŭ mirnych pieramovach11
Kamientary