Hramadstva1010

«Budźcie hatovy, što vy pacierpicie fizična». Jak u Vilejcy milicyja adachvočvaje ad schodak «PVK Rodan»

Paśla taho, jak subkultura dajšła da biełaruskich haradoŭ, milicyja pačała pravodzić prafiłaktyčnyja lekcyi siarod padletkaŭ. Aŭdyjazapis ź lekcyi ŭ Vilejskim kaledžy trapiŭ u sieciva.

Andrej Sialun sa školnikami. Fota: «Ukantakcie»

Sustreča, dzie raskazvałasia pra niebiaśpieku «PVK Rodan» i masavych schodak, adbyłasia siońnia, 2 sakavika. Miarkujučy pa imiu i imiu pa baćku, jakija hučać u zapisie, pramaŭlaje staršy ŭčastkovy inśpiektar upraŭleńnia pa spravach niepaŭnaletnich Vilejskaha RAUS major Andrej Sialun. Toje, što hołas vielmi padobny da hołasa Sieluna, paćviardžaje i čałaviek, jaki asabista viedaŭ jaho.

Pierakazvajem pramovu da moładzi:

«Ja spadziajusia, što mianie pačujecie i nie patrapicie ŭ niepryjemnyja padziei. Vy viedajecie pra novuju subkulturu, «PVK Redan», «Rodan», «Redun».

Zadumu vy viedajecie: ładzić masavyja biesparadki i bojki z tymi, chto vam nie spadabaŭsia, a moža, i nie vam. Atrybutyku taksama viedajecie: čornaje adzieńnie i pavučki.

Pamiatajecie, u Homieli zatrymali kala 200 niepaŭnaletnich. Pabicca jany nie paśpieli, zdajecca, bo na miescy ich pilnavała milicyja. Tamu nie padpisvajeciesia, nie dałučajciesia i tym bolš nie chadzicie ani na jakija zbory. A ŭ vypadku ŭdziełu vy patrapicie na ŭlik u inśpiekcyju pa spravach niepaŭnaletnich.

Ale voś, što samaje važnaje. Padziei 2020 hoda ŭsie viedajecie, heta masavyja mierapryjemstvy — kali źbirajecca ad dvuch čałaviek i bolej. A kali vas šmat, to kab vas razahnać abo praduchilić vašy supraćpraŭnyja dziejańni, budzie siła supraćdziejańnia jak minimum roŭnaja, abo bolšaja za vašu kolkaść.

Andrej Sielun. Fota: vileyka.gov.by

Kali vy zhadajecie 2020 hod, to kali admysłova navučanyja ludzi heta ŭsio razhaniajuć, zatrymlivajuć abo niekudy dastaŭlajuć, to nichto nie pytajecca «Vasiečka, a tabie dziesiać hod, a tabie, Piecieńka, piatnaccać, ci možna ciabie pahładzić pa adnym miescy?» i nie kaža «dazvolcie vas udaryć humovaj pałkaj pa śpinie abo nahach». Na ŭzrost hladzieć nichto nie budzie.

Byvajuć u žyćci vypadkovaści, ale tut vypadkovaściej być nie moža. Vy zahadzia, za dzień, za hadzinu, vyrašajecie, što idziacie ŭ toje miesca zboru absalutna metanakiravana. Heta jak dyskateka ŭ DK: vy viedajecie, što za dzień treba kupić šeść paŭtaračak piva i sustrecca va ŭstanoŭlenym miescy, kab źniščyć ich va ŭstanoŭlenym zakonam paradku.

Nichto nie budzie raźbiracca i słuchać vas nie budzie, čamu vy pryjšli na takoje mierapryjemstva. Tamu, kali vy patrapili ŭ takuju situacyju, to vy musicie być hatovyja, što vy pacierpicie fizična.

Pajści papić piva i patrapić na ŭlik — heta adno. Pajści ŭ hetuju miasarubku, masavaje mierapryjemstva — heta zusim inšaje. Moža być ad uliku ŭ milicyi i cialesnych paškodžańniaŭ da letalnaha zychodu. Paciarpieć možna jak ad tych, chto bjecca, hetak i ad tych, chto budzie vučyć vas paradku.

Hałoŭnaja zadača — davieści heta da navučencaŭ usich škoł. Učora my abjechali čatyry handlovyja centry i papiaredzili achovu i piersanał pra hetyja rečy.

Tamu nie varta nadziavać pavučkoŭ i kudyści chadzić. Adreahujuć u lubym vypadku, a vy budziecie vyhladać pa-durnomu i tłumačyć, navošta vy tudy pajšli».

«Andrej byŭ niejki kruty lehkaatlet, a paśla pajšoŭ u milicyju i kolki jaho pamiataju pracuje ŭ «dziciačaj komnacie milicyi». Jon nie najhoršy z našych milicyjantaŭ, — kaža pra Sieluna jahony ziamlak. — Što praŭda, chadziŭ jon jak cichar na akcyi i na sudy taksama. Ale vialikich pa sioniašnich mierkach hrachoŭ za im niama».

«Naša Niva» — bastyjon biełaruščyny

PADTRYMAĆ

Čytajcie jašče:

«Usie łaŭki zaniatyja padletkami». Jak moładź sprabavała sabracca ŭ centry Mahilova na zaklik «PVK Rodan»

Padčas sproby praviadzieńnia schodki «PVK Rodan» u Mahilovie zatrymali miascovaha žurnalista

Na sustrečach «PVK Rodan» u Minsku zatrymali kala 80 čałaviek

Kamientary10

  • rom
    02.03.2023
    vsie u stoiła
  • daviedka
    03.03.2023
    Znajet major-lehkoatlet, čto jeśli sobierutsia nieskolko diesiatkom podrostkov, to milicii mało nie pokažietsia... 
  • Žyvie
    03.03.2023
    A potom łukamilicija obižajeťsia ,čto jeje nie uvažajut,kohda sami viedut siebia nie kak priedstavitieli zakona,a kak priedstavitieli OPH.
    Opyt druhich civilizovannych stran v pravovom riehulirovanii obŝiestva łukamilicija izučała ili tolko iz 90-ych opyt jesť ?

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?6

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Usie naviny →
Usie naviny

Jašče adna achviara niepahadzi: u Mahiloŭskim rajonie zahinuła 5-hadovaja dziaŭčynka

Na biełaruska-litoŭskaj miažy upieršyniu za doŭhi čas źjaviłasia čarha z aŭtobusaŭ1

Ryžankoŭ: Biełaruś hatova da dyjałohu z Polščaj pa situacyi na miažy19

U załatoj bucy na Jeŭra-2024 adrazu niekalki ŭładalnikaŭ

Jak adroźnivajucca ŭmovy pracy dla IP u Biełarusi i Litvie? 1

Anioł Śmierci. Historyja biełaruski, jakaja paviedamlaje rodnym zahinułych kalinoŭcaŭ pra ich hibiel2

Arhiencina vyjhrała Kubak Amieryki pa futbole — i heta taksama rekord

Jak adrazu paśla zamachu na Trampa sacsietki zapoŭnili teoryi zmovy i pry čym tut Iłan Mask30

U Breście zakansiervujuć ruiny 400-hadovaha klaštara. Heta adzinaje zbudavańnie, što zastałosia ad histaryčnaha Bieraścia4

bolš čytanych navin
bolš łajkanych navin

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?6

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Hałoŭnaje
Usie naviny →