U Lidzie chočuć pravieści archieałahičnyja raskopki, kab horad staŭ starejšym
Ź inicyjatyvaj pravieści ŭ hod śviatkavańnia 700-hodździa Lidy archieałahičnyja raskopki vystupiŭ staršynia Lidskaha rajvykankama Siarhiej Łožačnik. Pry dapamozie hetaha čynoŭniki spadziavajucca, što datu zasnavańnia horada ŭdasca adnieści jašče dalej (600-hodździe śviatkavali ŭsiaho 43 hady tamu) i nieŭzabavie śviatkavać nanoŭ.
«U suviazi z tym, što dla źmieny daty zasnavańnia horada artefakty pavinny być u nas na rukach, staršynia Siarhiej Łožačnik vystupiŭ ź inicyjatyvaj pravieści ŭ jubilejny hod archieałahičnyja raskopki. Heta tym bolš važna, pakolki na terytoryi Lidy archieałahičnyja raskopki nikoli nie pravodzilisia, jany vialisia vyklučna ŭ miežach Lidskaha zamka na płoščy, mienšaj za hiektar. Ciapierz my płanujem zakłaści časovyja šurfy, kab znajści najbolš hłyboki kulturny płast. Miescy ŭžo vyznačanyja — u rajonie haradskoha parku», — paviedamiła dyrektarka Lidskaha historyka-mastackaha muzieja Volha Łukjan.
Praŭda, niezrazumieła, što mienavita rajonnyja viertykalščyki raźličvajuć znajści padčas raskopak, kab heta dazvoliła im nieŭzabavie śviatkavać viekapomny jubilej jašče raz. Najaŭnaść u horadzie archieałahičnych płastoŭ, starejšych za aficyjnuju datu jaho zasnavańnia, nijakim arhumientam za jaje pieranos nie źjaŭlajecca.
U śviecie jość bieźlič haradoŭ, dakładnaja data zasnavańnia jakich nieviadomaja, ale ŭmoŭna takoj u takich vypadkach ličycca data pieršaj zhadki ŭ histaryčnaj krynicy. Toje ž, što, nasamreč, horad starejšy, čym farmalna ličycca, zaŭsiody trymajecca ŭ hałavie i majecca na ŭvazie. Starejšyja ž, časam i značna, archieałahičnyja płasty navat na miescy haradoŭ, data zasnavańnia jakich dakładna viadomaja — taksama źjava niaredkaja, bo harady mahli zasnoŭvacca nie abaviazkova na hołym miescy, a na miescy niejkaha drobnaha pasielišča, jakoje isnavała na hetym miescy raniej.
Ale ŭvohule vypadki, kali nie navukoŭcy, a rajonnyja ŭłady inicyjujuć «pastareńnie» svaich nasielenych punktaŭ, u Biełarusi nie redkaść. Niekatoryja navat pravodziać svojeasablivyja spabornictvy.
Čytajcie taksama:
Słuck pryniaŭ vyklik Kapyla i taksama choča dadać sabie hadoŭ. Ale jość niuansy
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im6
Kamientary