Siarhiej Piasiecki: litaraturny hienij i kantrabandyst na miažy padzielenaj Biełarusi. Novaje VIDEA na kanale Andreja Chadanoviča
Hety piśmieńnik, jaki svaimi knihami prasłaviŭ mižvajennuju Biełaruś na polska-savieckim pamiežžy, šmat hadoŭ pravioŭ u turmie, dzie napisaŭ supierbiestsieler. Novy hieroj na kanale Andreja Chadanoviča — Siarhiej Piasiecki i jaho słavuty raman «Kachanak Vialikaj Miadźviedzicy».
Siońnia Andrej Chadanovič raskazvaje:
- što ahulnaha ŭ losie piśmieńnikaŭ, jakija naradzilisia 1 krasavika;
- jak Piasiecki staŭ śviadomym antysavietčykam;
- ci zdymaŭsia Piasiecki ŭ porna, jak heta robić jaho hałoŭny hieroj u knizie «Žyćcio razzbrojenaha čałavieka»;
- chto vyratavaŭ piśmieńnika ad śmiarotnaha prysudu ŭ mižvajennaj Vilni;
- jak Piasiecki vyjšaŭ na volu, dziakujučy litaratury;
- što takoje biełaruska-polski Łas-Viehas u knizie «Kachanak Vialikaj Miadźviedzicy»;
- jak raman byŭ adredahavany vydaŭcom i čamu heta mocna razzłavała Piasieckaha.
Voś niekalki dumak ź videa:
Kniha «Kachanak Vialikaj Miadźviedzicy» pišacca ŭ rekordna karotki termin — za 1,5 miesiaca. Piasiecki nie pisaŭ knihu za ŭtulnym piśmovym stałom, pisaŭ na padvakońni, pisaŭ na padłozie, pisaŭ biez pravak i šlifoŭki, bo hetaha nie dazvalaŭ turemny režym. U vyniku zdarajecca cud. Piśmieńnik pierasyłaje Mielchijoru Vańkoviču tekst. Vańkovič jaho drukuje. U 1937 hodzie «Kachanak Vialikaj Miadźviedzicy» vychodzić, i ŭ Polščy naradžajecca novaja słavutaść. Vybuch siensacyi taki mocny, što pačynajecca akcyja salidarnaści piśmieńnikaŭ i hramadskich dziejačaŭ ź Piasieckim. Vyzvaleńnie adbyvajecca. Praz 11 hadoŭ jon vychodzić na volu, dziakujučy litaratury, dziakujučy svajmu piśmieńnickamu talentu.
Uładź staleje ŭ nas na vačach. Spačatku jamu ciažka iści 30-40 kiłamietraŭ. Paśla Ryžskaha miru miaža prajšła praź biełaruskija ziemli pa žyvomu — Minsk na terytoryi savieckaj Biełarusi, miastečka Rakaŭ — centr kantrabandystaŭ pa polskaj miažy. Heta robić horad pryciahalnym. Kažuć, što heta biełaruska-polski Łas-Viehas. Miastečka — miesca 90 restaranaŭ, kazino i inšych zabaŭlalnych ustanoŭ z publičnymi damami ŭklučna. Usio heta žyvie. Ludzi, da jakich lohka prychodziać hrošy, lohka z hetymi hrašyma raźvitvajucca. Płaciać zołatam, jak skazaŭ Piasiecki ŭ pradmovie, za muzyku, za harełku, za ježu i za kachańnie.
Siarhiej Piasiecki nie tolki polski, darečy, paŭzabyty siońnia kłasik, ale i biełaruski kulturny hieroj, jaki jakraz u apahiei svajoj słavy viartajecca ŭ śviežych biełaruskich pierakładach čytaču, razam z toj historyjaj, jakuju ciahnie ŭ svajoj kantrabandysckaj nošcy 30-40 kiłamietraŭ z Rakava ŭ Minsk i nazad, sšyvajučy nitkami kultury razroźnienuju prastoru pamiežža ŭ adno — u biełaruskuju prastoru, jakuju my viartajem sabie.
Siarhiej Piasiecki ŭ luboj situacyi vybiraŭ svabodu, budźma i my svabodnymi i niezaležnymi. Hladzim razam novaje videa Andreja Chadanoviča pra adnaho z najiaskraviejšych biełaruskich aŭtaraŭ Siarhieja Piasieckaha, stavim padabajki, kamientujem i dzielimsia ź siabrami i siabroŭkami.
Kamientary