Alaksandr Łukašenka paabiacaŭ pabudavać zavody pa pierapracoŭcy lityju ŭ vypadku nadańnia jamu lityjevych kancesij, śćviardžaje zimbabvijskaje vydańnie TheNewsHawks sa spasyłkaj na dypłamatyčnyja krynicy.
«Dźvie krainy padpisali vosiem pahadnieńniaŭ u roznych siektarach, davioŭšy ich da 20, ale nasamreč sprava była ŭ lityi. Pra heta damovilisia Mnanhahva i Łukašenka ŭ chodzie pryvatnych pieramoŭ», — skazała krynica vydańnia.
Na terytoryi Zimbabve znachodziacca vialikija radoviščy mietału lityju. Zdabyču na ich viaduć kitajskija kampanii. U minułym hodzie Zimbabve zabaraniła ekspart lityju-syrcu, kab utrymać zamiežnyja kampanii i kantrabandystaŭ ad maradziorstva. Paźniej zabarona była abjadnanaja z poŭnaj zabaronaj na ekspart kalarovych mietałaŭ.
Lityj, jaho złučeńni i spłavy krytyčna nieabchodnyja dla technałahičnaha raźvićcia šmatlikich halin: aŭtaprama, avijabudavańnia, mietałurhii, mikraelektroniki, chimii i inšych.
Lityj najbolš važny pry vytvorčaści akumulatarnych batarej vialikaj jomistaści. Małaviadomaj vobłaściu prymianieńnia lityju źjaŭlajecca farmakałohija. Hety mietał vykarystoŭvajecca dla vytvorčaści psichatropnych preparataŭ.
Zapatrabavany jon i ŭ ciažkaj pramysłovaści. Lityj patrebny dla vypłaŭleńnia i lehiravańnia aluminiju, pavyšeńnia płastyčnaści, tryvałaści i adnaŭleńnia mietałaŭ.
Klučavaja halina, dzie biez zhadanaha mietału nijak nie abyścisia, — heta jadziernaja enierhietyka. Lityj — adzinaja dastupnaja krynica atrymańnia tryciju, taksama jon užyvajecca pry vyrabie stryžniaŭ, što rehulujuć sistemu abarony reaktara.
Alaksandr Łukašenka znachodziŭsia ź dziaržaŭnym vizitam u Zimbabve z 30 studzienia pa 1 lutaha. Pavodle jaho słoŭ, byli padpisanyja pahadnieńni «ŭ halinie pramysłovaści, handlu, sielskaj haspadarki, enierhietyki, transpartu i zdabyčy karysnych vykapniaŭ».
Čytajcie taksama:
Rasija zastajecca bieź lityju. Heta moža padarvać šerah klučavych halin jaje ekanomiki, u tym liku atamnuju enierhietyku
Lityj — nafta XXI stahodździa. Lityj-ionnaja revalucyja: akumulatary całkam źmieniać enierhietyku i aŭtamabili
Dola Zimbabve ŭ ekanomicy Biełarusi mizernaja. Čamu tady prapahanda nadaje stolki ŭvahi vizitu Łukašenki ŭ hetuju krainu?
Łukašenka choča zrabić biełaruski handlovy chab u Zimbabve. Ale heta nie toje miesca, «dzie nas nie viedajuć»
Saša Filipienka raskazaŭ, čamu nie płanuje pisać pa-biełarusku i jak Biełaruś moža stać padarunkam Rasii ŭ vajnie64
Kamientary
a. nu-da. i vidno, čto, kak minimum viesnoj 2020 hoda...