Łukašenka: Ja stajaŭ la vytokaŭ pracy emiratcaŭ pa štučnym intelekcie
Alaksandr Łukašenka siońnia naviedaŭ vystavu «Biełaruś intelektualnaja». Tam jaho znoŭ «zaniesła».
Łukašenka zajaviŭ, što jaho «zaprašajuć u Emiraty». I dadaŭ: «Jak ni dziŭna, ja stajaŭ la vytokaŭ pracy emiratcaŭ pa štučnym intelekcie».
Tłumačeńnie takomu jon daŭ nie vielmi zrazumiełaje. «Kitajskija vučonyja, jany ich sabrali, hrošaj dali, i jany surjozna pracavali. I jany mianie prasili, kab ja dazvoliŭ im pracavać u Biełarusi. Ja skazaŭ, dy haspodź z vami, pryjazdžajcie», — skazaŭ jon.
Hutarka išła pra novy park «Paŭnočny bierah», jaki pavinien zjavicca na terytoryi Cnianskaha vadaschovišča.
«Čamu ja na heta klunuŭ? Nie tolki tamu, što tam $5 młrd inviestycyj budzie, a jany paabiacali mnie stvaryć hety razumny horad. I tam mahutnuju adukacyjnuju płatformu pa štučnym intelekcie. Tam budzie ŭniviersitet, budziem rychtavać ludziej», — raskazaŭ Łukašenka.
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»14
Kamientary