Hrupoŭka rasijskich Uzbrojenych sił u Biełarusi papoŭniłasia jašče dvuma bambavikami Su-24 vajenna-kaśmičnych sił Rasii. Pra heta paviedamlaje manitorynhavaja hrupa «Biełaruski Hajun».
Pavodle źviestak «Biełaruskaha Hajuna», 19 studzienia z Rasii na vajenny aeradrom Baranavičy prylacieli dva bambaviki Su-24 VKS RF.
«Heta samaloty z rehistracyjnymi numarami RF-54408 i RF-54409, jakija pryziamlilisia na aeradrom «Baranavičy» ŭ pramiežku pamiž 11:00 i 11:15. Takim čynam, źmianiłasia kolkaść hrupoŭki VS RF u RB», — havorycca ŭ paviedamleńni.
Taksama paviedamlajecca, što padčas vučeńniaŭ u Biełarusi adbyvalisia paloty rasijskich samalotaŭ MiH-31K z rakietami «Kinžał» na borcie. Heta bačna na apublikavanym Ministerstvam abarony Biełarusi videa siońniašnich uźlotaŭ nazvanych samalotaŭ z aeradroma ŭ Mačuliščach pad Minskam.
«Na kadrach viedamstva, a dakładniej telekanała VajenTV, možna zaŭvažyć, što MiH-31K rabili ŭźloty razam z hipierhukavymi aerabalistyčnymi rakietami Ch-47M2 «Kinžał», — adznačaje manitorynhavaja hrupa.
Aproč taho, na videa bačna, što na samalotach zamazanyja bartavyja numary.
Prapahandystka ANT Natalla Stelmach źmianiła imia na Naci Ryšna i zarablaje ŭ Mieksicy na šamanach i narkatyčnych hrybach49
Kamientary