Pjany 22-hadovy biełarus u Polščy ŭ minułyja vychadnyja na aŭtamabili BMW pajechaŭ u mahazin pa śpirtnoje i zvaliŭsia z razhruzačnaj rampy prosta na čyhunačnyja puci. Praz chvilinu aŭtamabil urezaŭsia ŭ pasažyrski ciahnik.
Zdareńnie adbyłosia kala horada Nasielska, prykładna za 50 km ad Varšavy. Ciahnik Mazavieckaj čyhunki ŭrezaŭsia ŭ zadniuju častku aŭtamabila BMW, jaki stajaŭ na rejkach.
Vyśvietliłasia, što hramadzianin Biełarusi kiravaŭ aŭtamabilem na vysokaj chutkaści, straciŭ kiravańnie transpartnym srodkam i zvaliŭsia z razhruzačnaj rampy prosta na rejki. Spačatku kiroŭca pasprabavaŭ źjechać z rejek, ale, pabačyŭšy blizki ciahnik, vyskačyŭ z mašyny i ŭciok.
Dla mašynista pasažyrskaha ciahnika źjaŭleńnie na puciach aŭtamabila stała poŭnaj niečakanaściu. Jon pasprabavaŭ ekstranna zatarmazić, ale nie zmoh spynić ciahnik i ŭrezaŭsia ŭ BMW. U momant incydentu ŭ vahonach było 30 pasažyraŭ, nichto ź ich nie paciarpieŭ.
Kiroŭcu BMW palicyja znajšła chutka, jon byŭ doma.
22-hadovy biełarus pryznaŭsia, što jechaŭ z kramy, zakupiŭšy ałkahol, jakoha jamu nie chapiła. Jechaŭ jon na vialikaj chutkaści, kala 130 km/h. Kali ž aŭtamabil vylecieŭ na rejki, to spałochaŭsia i ŭciok dadomu.
Ałkatestar pakazaŭ, što kiroŭca mieŭ 1,8 pramile ałkaholu ŭ vydychanym pavietry. A paśla hetaha vyśvietliłasia, što chłopiec užo pryciahvaŭsia da adkaznaści.
U vyniku rajonny sud u horadzie Pułtusku nakłaŭ na kiroŭcu zabaronu na kiravańnie transpartnymi srodkami terminam na 36 miesiacaŭ. Ale akazałasia, što pravoŭ na kiravańnie ŭ biełarusa nikoli i nie było. Ciapier jamu pahražaje adkaznaść až da 5 hadoŭ pazbaŭleńnia voli.
Dvajniki viadomych biełarusaŭ. I nie kažycie, što nie zadumvalisia pra ich padabienstva11
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary