Siońnia ŭ Pałacy niezaležnaści prachodziŭ Navahodni bal dla moładzi. Jon tradycyjna źbiraje čynoŭnikaŭ i vybranych studentaŭ. Prysutničaje i Alaksandr Łukašenka. Kaho pastavili jamu ŭ paru na tancy?
Pa tradycyi tyja dziaŭčaty, ź jakimi tancavaŭ Łukašenka, atrymlivajuć dobryja karjernyja mahčymaści i supravadžajuć jaho čas ad času i dalej. Adnoj z samych słavutych finalistak i balnych partniorak Łukašenki stała Maryja Vasilevič, jakuju nieŭzabavie abrali deputatkaj Pałaty pradstaŭnikoŭ.
Sioleta z Łukašenkam tancavała 19-hadovaja Nastaśsia Kazyryckaja.
Dziaŭčyna naradziłasia i vyrasła ŭ Minsku. Baćka dziaŭčyny — były milicyjant, jaki zvolniŭsia ŭ 2003 hodzie, praz 3 miesiacy paśla naradžeńnia dački.
Jana skončyła kaledž lohkaj pramysłovaści ŭ 2021 hodzie, a paśla pastupiła ŭ Biełaruski dziaržaŭny ekanamičny ŭniviersitet na śpiecyjalnaść «Buchhałtarski ŭlik, analiz i aŭdyt». Paralelna zaklučyła kantrakt z Nacyjanalnaj škołaj pryhažości i zajmajecca madelinham nie mienš za piać hadoŭ. Letaś udzielničała ŭ konkursie «Mis Biełaruś».
Pa źviestkach dziaržaŭnych miedyja, dziaŭčyna maje rost u 177 santymietraŭ. Pracavała (ci pracuje ciapier) va ŭpraŭleńni adukacyi administracyi Frunzienskaha rajona h. Minska. Siarod jaje chobi — tancy i valejboł. Taksama jana ŭmieje ihrać na fartepijana i hitary. Maje paśviedčańnie kiroŭcy.
«Naša Niva» — bastyjon biełaruščyny
PADTRYMAĆBiełaruskaja błohierka pracavała na rasijskaj apazicyjnaj fabrycy botaŭ, a paśla źliła dakumienty?43
Kamientary