Kali chočacie doŭha ciešycca žyvym drevam, skarystajciesia našymi paradami.
Pierad Novym hodam i Kaladami varta zhadać chatnija sposaby padoŭžyć žyćcio jalincy. Ich vykarystoŭvali našy babuli, a ciapier ich možam uziać na ŭzbrajeńnie i my, kab navahodniaje dreva nie hublała iholle.
Pa-pieršaje, staviačy jalinu ŭ padstaŭku, padrežcie nažoŭkaj jaje stvoł, kab jalinka lepiej ubirała vadu.
U vadu pad jalinku dadavajcie trochi cukru. Ën budzie siłkavać raślinu.
Jašče adzin mietad — pakładzicie ŭ padstaŭku z vadoj, u jakim staić jełka, niekalki miednych maniet. Dziakujučy hetamu vada nie budzie ćviści. Kali jalinka staić nie ŭ vadzie, a ŭ vazonie ź ziamloj, prosta pakładzicie miednyja maniety ŭ kubak z vadoj i potym palicie dreva hetaj vadoj.
Važna i toje, pry jakoj tempieratury my zachoŭvajem dreva. Jalinka našmat lepš zachoŭvajecca na marozie, tamu, kali vy kuplajecie jaje zahadzia, pakładzicie jełku na bałkonie. Taksama nie staŭcie jełku blizka da batarei, bo ad hetaha ihlica budzie padać chutčej. Što da hirlandaŭ, to lepš vybirać śviatłodyjodnyja, bo jany nie tak mocna nahravajucca.
Ekśpierty rajać nabyvać jełku ŭ vazonie, a nie śpiłavanuju. Ssiečanyja drevy hublajuć ihlicu našmat chutčej, čym tyja, što rastuć u ziamli. Jalinka ŭ vazonie maje i dadatkovyja plusy: jaje možna trymać na bałkonie kruhły hod.
Kolki kaštuje arenda jalinak? Pahladzieli prapanovy i rascenki
«Biełarusy adčuli, što jany mohuć». Psichołah pra admaŭleńnie ad śviataŭ i toje, adkul brać siły na hod
«U našych dziaciej pavinna być śviata, niahledziačy na namahańni rasijskich varvaraŭ». U Kijevie zapalili ahni na «Jalincy niazłomnaści»
Što zapisana aficyjnaj pryčynaj śmierci adzinaha syna Jarmošynaj?4
Kamientary