Kolki kaštuje arenda jalinak? Pahladzieli prapanovy i rascenki

Štučnyja jaliny dla kvater i karparatyvaŭ

Rascenki na štučnyja jalinki zaležać ad vyšyni, kłasa, a taksama najaŭnaści ŭpryhožańniaŭ. 

Arenda da dvuch miesiacaŭ 1,5-mietrovaj štučnaj jełki biez upryhožvańnia vahajecca ad 240 da 310 rubloŭ. Sasna takoj ža vyšyni — ad 180 da 250 rubloŭ.

Takija rascenki, naprykład, vystaviŭ internet-servis prakatu dekaratyŭnych aksiesuaraŭ «Minski dekaratar». Najdaražejšuju arendu ŭ ich maje 3-mietrovaja jełka kłasa «Realistyk» — da 625 rubloŭ. 1,5-mietrovaja «litaja» sasna maje najmienšuju canu — 250 rubloŭ.

Pavialičyć

Uziać u arendu ad 1 da 3 dzion jełku «Minski dekaratar» prapanuje dla karparatyŭnych imprez i fotasiesij. Štučnaja 1,5-mietrovaja jalinka abydziecca ŭ 120 rubloŭ, a vyšynioj u try mietry — 370 rubloŭ.

Servis znachodzicca ŭ Minsku, tamu klijentam ź inšych haradoŭ treba padumać, ci samim pryjechać pa zakaz, ci zamović dastaŭku. U vypadku dastaŭki treba dapłacić. Jaje cana zaležyć ad koštu arandavanaha tavaru.

Kampanija «Tavary dla aktyŭnych ludziej Touristshop» prapanuje ŭziać u arendu 1,5-mietrovyja jalinki biez dekoru tańniej — za 130 rubloŭ. Trochmietrovyja jełki — 340 rubloŭ. Karystacca imi možna da 2 miesiacaŭ.

Za dvuchmiesiačnuju arendu jaliny Standard z dekoram vyšynioj u 1,5 mietra treba zapłacić 280 rubloŭ. Trochmietrovaja pryhažunia — 690 rubloŭ.

1,5-mietrovaja jełka Optimal — 340 rubloŭ, a 3-mietrovaja — 860 rubloŭ.

Pavialičyć

Arenda ŭžo ŭbranaj da śviata 1,5-mietrovaj jełki Premium — 400 rubloŭ, a 3-mietrovaj — 1030 rubloŭ.

Kampanija prapanuje jełki i inšych pamieraŭ: 180, 220, 250 sm. Ich arenda vahajecca ad 360 da 820 rubloŭ. 

Novy hod z žyvymi jalinkami

Dla prychilnikaŭ adznačać Novy hod z žyvoj jełkaj taksama isnujuć varyjanty arendy. Takoha rodu pasłuh, adnak, niašmat. 

Žyvaja jełka bolš ekałahičnaja, čym płastykavaja. Pakul raście — vydzialaje kisłarod. Jaje treba palivać dva razy na tydzień. 

Žyvyja jaliny ŭ kadušcy prapanuje ŭziać na 2-3-tydniovy prakat fiermierskaja haspadarka z Hrodzienskaha rajona «Siadziba Jubilejnaja». Na jaje internet-placoŭcy paznačanyja nie tolki ceny, ale i instrukcyi pa dohladzie navahodniaha atrybuta.

U fiermieraŭ jełki roznych pamieraŭ, praduhledžanaja dastaŭka. Na ich pasłuhi, adnak, mohuć raźličvać tolki klijenty z Hrodna i Minska.

Najmienšaja, paŭmietrovaja jełka dla žycharoŭ Hrodna kaštuje 30 rubloŭ, Minska — 60 rubloŭ.

Pavialičyć

Najbolš prydatny varyjant dla ŭładalnikaŭ kvater, rajać fiermiery, — arandavać zvyčajnuju jełku pamieram 60-100 sm pa canie 40 rubloŭ dla Hrodna i 70 rubloŭ dla Minska. Zručnaja dla kvaternych umoŭ vyšynia — 70-110 sm. Hrodziencam taki pamier jełki abydziecca ŭ 50 rubloŭ, a minčukam — u 80 rubloŭ.

Cana arendy ekskluziŭnaha varyjanta błakitnaj jaliny da 2 mietraŭ dla hrodziencaŭ składzie 100 rubloŭ, a dla žycharoŭ stalicy — 130 rubloŭ. Fiermiery zaścierahajuć, što takija jełki najbolš uraźlivyja i ich šaniec na vyžyvańnie ŭ niavoli nievysoki.

U vypadku, kali jełka zahinie, fiermiery zabiaruć jaje razam z kaduškaj ź ziamloj. Jany zapeŭnivajuć, što kampiensacyi patrabavać nie buduć. Minskim klijentam pačnuć dastaŭlać jalinki tolki 23 i 24 śniežnia.

U Homieli na Kalady nie budzie nivodnaha biełaruskamoŭnaha śviata dla dziaciej

«Zamiest aniołaŭ — čyrvonaarmiejcy, zamiest Viflejemskaj zorki — savieckaja piacikancovaja». U Hrodnie adkryłasia vystava starych jołačnych cacak

• 4
• 0
• 0
• 0
• 0
• 1
• 2
• 0