«Heta vyhladaje vielmi dziŭnym». Pasolstvy Ukrainy atrymali 18 pasyłak z vybuchoŭkaj i častkami žyvioł
Ministr zamiežnych spraŭ Ukrainy Dźmitryj Kuleba paviedamiŭ, što paśla vybuchu ŭ pasolstvie ŭ Ispanii dypłamaty atrymali 18 pasyłak, u jakich byli vybuchoŭka abo častki cieł žyvioł, piša RBK.
Ukrainskija pasły atrymali 18 ananimnych pasyłak, jakija źmiaščajuć sapraŭdnyja albo falšyvyja vybuchovyja pryłady ci vočy karoŭ, śviniej i inšyja častki ciełaŭ žyvioł. «Heta kampanija zapałochvańnia», — zajaviŭ kiraŭnik ukrainskaha MZS Dźmitryj Kuleba ŭ intervju CNN.
«Usio pačałosia z vybuchu la ambasady Ukrainy ŭ Ispanii. Ale toje, što paśledavała za hetym vybucham, było bolš dziŭnym, i ja b navat skazaŭ — chvorym», — raspavioŭ ministr.
Kuleba vykazaŭ zdahadku, što pasyłki stali adkazam na «toj dypłamatyčny žach, jaki my stvaryli dla Rasii na mižnarodnaj arenie». Za toje, što adbyvajecca, adkaznaja albo Maskva, albo tyja, chto joj simpatyzuje i «sprabuje pasiejać strach», ličyć jon.
«Na ciapierašni momant u nas 18 vypadkaŭ pahroz u 12 krainach: Vienhryi, Niderłandach, Polščy, Charvatyi, Italii, Aŭstryi, Čechii, Vatykanie, Francyi, paviedamleńnie ab miniravańni ŭ Kazachstanie i padazrony list u ZŠA».
Čytajcie taksama:
Pasolstvy i konsulstvy Ukrainy ŭ šaści krainach atrymali skryvaŭlenyja pasyłki, u pakietach byli vočy žyvioł
Pasyłki z bombami atrymali ispanski premjer, Minabarony krainy i pastaŭščyk zbroi dla Ukrainy
Adbyŭsia vybuch u ambasadzie Ukrainy ŭ Madrydzie
Dvajniki viadomych biełarusaŭ. I nie kažycie, što nie zadumvalisia pra ich padabienstva11
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary