U Hrodnie i Viciebsku vučniam u škołach arhanizujuć «šviedski stoł»
Jak paviedamlaje telekanał «Hrodna plus», u niekatorych hrodzienskich škołach prymianiajecca sistema charčavańnia «šviedski stoł», jakaja siabie dobra zarekamiendavała i apraŭdała. Pa słovach dyrektara Hrodzienskaj haradskoj himnazii imia Dubko Julii Anisimavaj, u hetaj ustanovie «šviedski stoł» uviedzieny z 6-ha kłasa.
«Ekśpierymient liču ŭdałym, tamu što my bačym, što dzieci, majučy mahčymaść vybaru tych straŭ, jakija im padabajucca, źjadajuć usio całkam. Tym samym minimizavanyja adkidy, dzieci zadavolenyja, baćki zadavolenyja. Nu i my, jak administracyja, taksama zadavolenyja», — skazała jana.
Takaja schiema, jak paviedamlajecca, užo pracuje ŭ trynaccaci škołach Hrodna, a ciaham bližejšaha času ekśpierymient raspaŭsiudzicca jašče na niekalki. Zastałosia zakupić technałahičnaje abstalavańnie i arhanizavać liniju razdačy dla stałovych.
Pieraniali hety dośvied i ŭ Viciebskaj haradskoj himnazii, a načalnica adździeła adukacyi Ušackaha rajvykankama Viciebskaj vobłaści Marharyta Varava zajaviła, što ŭžo «jość pieradumovy, kab ukaranić hety mietad va ŭsim rehijonie».
Raniej prablema školnaha charčavańnia padymałasia na samym vysokim uzroŭni, sam premjer Raman Hałoŭčanka kazaŭ, što vučniam prapanujucca «zaviedama niasmačnyja, adnastajnyja, nieestetyčna aformlenyja stravy» i z hetym treba štości rabić.
Čytajcie taksama:
Hałoŭčanku nie padabajecca školnaje charčavańnie: «zaviedama niasmačnyja, adnastajnyja, nieestetyčna aformlenyja stravy»
-
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni
-
Chalezin: Samyja vialikija hanieńni na Svabodny teatr byli pry Łatušku. Ale jamu nie treba kajacca pierada mnoju
-
Ci mohuć nie puścić u kramu za 5 chvilin da zakryćcia i da jakoha času pavinny pracavać kasirki
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni14
Kamientary