Jon biare svoj adlik z 1939 hoda i źviazany z trahičnymi padziejami.
![](http://d3kcf2pe5t7rrb.cloudfront.net/img/w840d4webp1/photos/z_2020_09/stu5_200901-cyf3v.jpg.webp)
28 kastryčnika 1939 hoda ŭ akupavanaj fašystami Čechasłavakii pražskija studenty i ich vykładčyki vyjšli na demanstracyju, kab adznačyć hadavinu ŭtvareńnia Čechasłavackaj dziaržavy.
Nacysty razahnali demanstracyju, pry hetym byŭ zastreleny student miedycynskaha fakulteta Karłavaha ŭniviersiteta Jan Apletał. Jaho pachavańnie pierarasło ŭ akcyju pratestu. Dziasiatki demanstrantaŭ byli aryštavanyja.
A 17 listapada akupanty rankam uvarvalisia ŭ studenckija internaty. Bolš za 1200 studentaŭ byli aryštavanyja i zaklučanyja ŭ kancłahiery. Dzieviać studentaŭ i aktyvistaŭ studenckaha ruchu byli pakaranyja śmierciu.
Praz 2 hady, 17 listapada 1941 hoda, u Łondanie prajšła Mižnarodnaja sustreča studentaŭ, jakija zmahalisia suprać fašyzmu. Na sustrečy było vyrašana adznačać hetu datu jak Dzień studenta ŭ honar zahinułych.
Kamientary