U Minsku buduć sudzić chłopca, jaki zabiŭ 15 katoŭ. Jon kuplaŭ ich praź internet
Śledčy kamitet zaviaršyŭ rasśledavańnie kryminalnaj spravy ab žorstkim abychodžańni z žyviołami, paviedamlaje pres-słužba viedamstva. Pavodle materyjałaŭ spravy, chłopiec zabiŭ 15 katoŭ roznych parod i ŭzrostaŭ. Jon kuplaŭ žyvioł praź internet.
«Padčas dopytu małady čałaviek rastłumačyć svoj učynak nie zmoh. Ź jaho słoŭ, šmatlikija ŭdary rukami i nahami jon nanosiŭ pa roznych častkach ciełaŭ žyvioł z-za drennaha nastroju. U adnym z vypadkaŭ fihurant kinuŭ kaciania ab dreva ŭ lesaparku stalicy. Cieły pamierłych žyvioł jon vykidvaŭ praz bałkon ci ŭ śmiećcievyja kantejniery. Varta adznačyć, što svaje złačynnyja dziejańni małady čałaviek zdymaŭ na kamieru mabilnaha telefona», — raspaviali ŭ Śledčym kamitecie.
Pavodle zaklučeńnia stacyjanarnaj sudova-psichijatryčnaj ekśpiertyzy, fihurant u momant ździajśnieńnia złačynstvaŭ ŭśviedamlaŭ faktyčny charaktar i hramadskuju niebiaśpieku svaich dziejańniaŭ i moh kiravać imi.
Pa vynikach rasśledavańnia 22-hadovamu chłopcu vystaŭlena abvinavačvańnie pa častkach 1 i 2 art. 339-1 (žorstkaje abychodžańnie z žyviołaj, jakoje paciahnuła jaho hibiel i kalectva, ździejśnienaje z chulihanskich i inšych nizkich namieraŭ, ździejśnienaje paŭtorna).
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?10
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary