«Vam chłusiać»: Zialenski pa-rusku prakamientavaŭ situacyju z zahinułymi ŭ Paŭłaŭcy rasijskimi marpiechami
U pačatku tradycyjnaha viečarovaha zvarotu Zialenski pa-ŭkrainsku skazaŭ, što ŭ Danieckaj vobłaści štodnia hinuć sotni rasijskich vajskoŭcaŭ, a terytoryja «zavalena ciełami akupantaŭ».
Paśla, pierajšoŭšy na ruskuju movu, Zialenski raspavioŭ, što marskija piechacincy z Prymorja paskardzilisia hubiernataru svajho kraju Alehu Kažamiaku na «kałasalnyja straty», a toj u adkaz «pradkazalna schłusiŭ», skazaŭšy, što «straty daloka nie takija».
«Hubiernataru adtul, napeŭna, lepš vidać, jak i kolki adpraŭlajuć na ŭboj vajskoŭcaŭ ź jaho rehijona. Nu, ci jamu prosta zahadali chłusić. Z Maskvy zahadali. Voś tak tysiačy kiłamietraŭ pieraadolvaje zahad chłusić ab rasijskich stratach. I navat cieły bolšaści z hetych zabitych nazad u jaki-niebudź Uładzivastok nie pryviazuć. Ale ja ŭpeŭnieny, što hubiernatar Kažamiaka vyjdzie i rastłumačyć, čamu nie ŭsie dajechali, nie ŭsie viarnulisia z tych «nie takich»», — kaža Zialenski.
Prymorski čynoŭnik usialak sprabuje abvierhnuć masavuju hibiel marpiechaŭ. Paśla zajavy Minabarony, što straty nie pieravyšajuć 1%, Kažamiaka apublikavaŭ try videa ź ludźmi ŭ vajskovaj formie, pryčym na dvuch u ludziej schavanyja tvary, a hałasy źmienienyja. Sam čynoŭnik skarhi nazyvaje ŭkidami i fejkami.
Ludzi na videa śćviardžajuć, što, niahledziačy na surjoznyja straty, bryhada idzie napierad i vykonvaje bajavyja zadačy.
Što zapisana aficyjnaj pryčynaj śmierci adzinaha syna Jarmošynaj?9
Kamientary