KNDR zajaŭlaje, što nie pastaŭlała zbroju Rasii i nie płanuje hetaha rabić
Paŭnočnaja Kareja zajaviła, što nikoli nie zaklučała ździełak pa pastaŭkach zbroi z Rasijaj i nie płanuje hetaha rabić. Tak u Pchieńjanie adreahavali na zajavy Vašynhtona ab tym, što KNDR moža pastaŭlać Rasii artyleryjskija snarady, jakija Maskva vykarystoŭvaje va Ukrainie.
«My jašče raz vyrazna zajaŭlajem, što nikoli nie mieli damovaŭ z Rasijaj i nie płanujem rabić heta ŭ budučyni», — havorycca ŭ aficyjnaj zajavie, pieradadzienaj Centralnym telehrafnym ahienctvam Paŭnočnaj Karei (KCNA).
Paŭnočnakarejskija ŭłady taksama zajavili, što čutki pra takija pahadnieńni pamiž Pchieńjanam i Maskvoj źjaŭlajucca sprobaj ZŠA zaplamić reputacyju KNDR.
Na minułym tydni kaardynatar pa stratehičnych kamunikacyjach u Radzie nacyjanalnaj biaśpieki Biełaha doma Džon Kirbi zajaviŭ, što Pchieńjan tajemna pastaŭlaje ŭ Rasiju artyleryjskija snarady.
«Naša infarmacyja śviedčyć pra toje, što KNDR tajemna pastaŭlaje Rasii dla vajny va Ukrainie značnuju kolkaść artyleryjskich snaradaŭ, pry hetym chavajučy sapraŭdnaje miesca pryznačeńnia pastavak zbroi, sprabujučy stvaryć bačnaść taho, što jany nakiroŭvajucca ŭ krainy Blizkaha Uschodu abo Paŭnočnaj Afryki», — kazaŭ Kirbi.
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»15
Kamientary