Deputat pra vybary va Usiebiełaruski narodny schod: Kali čałaviek nidzie nie zadziejničany, jaki ź jaho tołk?
Staršynia Pastajannaj kamisii Savieta Respubliki Nacyjanalnaha schodu pa ekanomicy, biudžecie i finansach Taćciana Runiec raskazała, što vielmi doŭha išli debaty nakont taho, chto ž usio-taki pavinien udzielničać va Usiebiełaruskim narodnym schodzie i ci mohuć tudy trapić šarahovyja hramadzianie.
«U momant razhladu prajekta Kanstytucyi pastupała šmat prapanoŭ ad prostych ludziej, jakija hatovyja byli sami ŭdzielničać u schodzie.
Ale ŭsio ž taki my pryjšli da vysnovy, što kali čałaviek nie maje hramadzianskaj pazicyi, nidzie nie zadziejničany, to jaki ź jaho tołk, kali jon pryjdzie prosta hałasavać? Usio ž taki ŭdzielnikam UNS pavinien być toj, chto vykazvaje pazicyju, znachodzicca ŭ hramadskim abjadnańni abo partyi ci źjaŭlajecca deputatam», — upeŭnienaja T. Runiec.
U toj ža čas sienatarka paraŭnała UNS z narodnym viečam:
«Ale ŭspomnicie tradycyi biełaruskaha naroda — tałaka, vieča. Zdaŭna ludzi źbiralisia i vyrašali važnyja prablemy razam. Dumaju, i ciapier hetaja praktyka pryniasie nam dobryja vyniki», — reziumavała jana.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary