Anatol Łapo zajaviŭ, što ŭ vypadku pravakacyi z boku Ukrainy ŭ dačynieńni da biełaruskich pamiežnikaŭ Minsk daść «adekvatny adkaz».
«Jak tolki niejkaja pravakacyja budzie ŭ naš bok, pamiežnikaŭ, budzie adekvatny adkaz. My miralubnyja ludzi, ale ŭ kryŭdu siabie nie damo. Jany taksama razumiejuć, što kali pojduć da nas, mohuć atrymać pa zubach», — skazaŭ Łapo ŭ intervju ANT.
Jon raspavioŭ, što na miažy z Ukrainaj słužba niasiecca va ŭzmocnienym režymie. «Narady tam u mianie ŭmacavanyja, heta ni dla kaho nie sakret, sa zbrojaj. Čamu? Tamu što čakać možna ŭsio što zaŭhodna. Nastavili (ukrainskija vajskoŭcy na svaim baku) min prosta na asfalt… Kali ŭziać vajennuju łohiku — mina pavinna maskiravacca. Nie, demanstratyŭna pastavili», — dadaŭ kiraŭnik kamiteta.
Pavodle jaho słoŭ, ukrainskija pamiežniki «u asnoŭnym adciahnutyja ŭ tył, na miažu prybyli i terabarona, i vojski». «My ciapier nie možam zrazumieć, chto (kankretna), tamu što ŭsie chodziać biez znakaŭ adroźnieńnia… Mohuć pryjści na miažu ŭ pavietra pastralać. Voś 26-ha … Pryjšli da miažy, mietraŭ 10-15. Uziali rasijskuju formu, nabili tudy sałomy i demanstratyŭna paviesili jak pudziła. Navošta heta robicca?» — praciahnuŭ Łapo.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary