Kali siamja biełarusa, jaki zahinuŭ za Ukrainu, pražyvaje ŭ Biełarusi, jana nie atrymaje 400 tysiač dalaraŭ
Siamji kožnaha ŭkrainskaha bajca, jaki zahinuŭ, vypłačvajecca dapamoha ŭ pamiery 15 miljonaŭ hryvien — heta trochi bolš za 400 tysiačaŭ dalaraŭ. Dla biełarusaŭ usio stała składana.
Novaja papraŭka ŭ pastanovu Kabmina Ukrainy vyklikała krytyku ź biełaruskaha boku.
Pieršym na papraŭki ŭ pastanovu Kabinieta ministraŭ Ukrainy № 168 źviarnuŭ uvahu prajekt «Biełaruski Hajun». Ciapier svajaki zahinułych hramadzian Biełarusi ci Rasii, jakija słužać va ŭkrainskim vojsku, nie zmohuć atrymać kampiensacyju za śmierć blizkaha svajaka ŭ pamiery 15 miljonaŭ hryvien (trochi bolš za 400 tysiačaŭ dołaraŭ), jakuju atrymlivaje siamja kožnaha ŭkrainskaha vajskoŭca, jaki zahinuŭ.
«Naša Niva» spytała ŭ Pałka Kalinoŭskaha, što jany pra heta dumajuć.
«My nie paśpieli pakul hłyboka razabracca z hetym pytańniem, ale razumiejem, što ŭ nas jość prablema. Bolšaść rodnych našych vajaroŭ abo znachodziacca ŭ Biełarusi, abo majuć biełaruskuju prapisku. I vyhladaje na toje, što ciapier jany sapraŭdy nie zdolejuć atrymać vypłaty, — kažuć u pres-słužbie. —
My dumajem, što treba budzie stvarać precedenty i źviartacca ŭ sudy. I, kaniečnie, mianiać staŭleńnie da biełarusaŭ va ŭkrainskaha kiraŭnictva. Bo situacyja składajecca paradaksalnaja: pamirać za Ukrainu možna, a atrymać hrošy siemjam nielha. Treba, kab u palityčnaj elity Ukrainy było razumieńnie, što sotni biełarusaŭ, jakija ŭžo prajšli praź piekła ŭ baraćbie za svabodu svajoj krainy, pryjšli ŭ inšaje piekła, kab zmahacca za svabodu abiedźviuch krain, Ukrainy i Biełarusi.
My robim heta nie za hrošy, a pa pokličy sumleńnia. Ale my žyviom u realnym śviecie, dzie rodzičam bajca treba budzie žyć biez karmilca», — kažuć kalinoŭcy.
Usiaho na hety momant u roznych złučeńniach na ŭkrainskim baku zahinuli 15 biełaruskich dobraachvotnikaŭ — častka ź ich vajavała sa zbrojaj u rukach, niekatoryja byli miedykami. Pavodle infarmacyi «Našaj Nivy», usiaho ŭ biełaruskija złučeńni padali dakumienty kala 1500 biełarusaŭ.
Čytajcie taksama: Z-pad Lisičanska nie viarnulisia šeść biełarusaŭ-kalinoŭcaŭ. Apošnim paviedamleńniem było: «Na nas jedzie tank. Adpracavaŭ pa im»
Na vajnie va Ukrainie zahinuŭ student-bahasłoŭ z Hrodna
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary