Cana hazu ŭ Jeŭropie ŭpieršyniu z červienia apuściłasia nižej za 1500 dalaraŭ za 1000 kuboŭ
Biržavy košt hazu ŭ Jeŭropie na tarhach 10 kastryčnika źniziŭsia na 7%, zvaliŭšysia nižej za 1500 dalaraŭ za 1000 kubamietraŭ, paviedamlaje «RBK». Tańniej za 1500 dalaraŭ jeŭrapiejski haz apošni raz kaštavaŭ u kancy červienia, źnižeńnie z maksimumaŭ žniŭnia — bolš čym u dva razy.
Źnižeńniu kacirovak spryjajuć prahnozy ciopłaha nadvorja ŭ Jeŭropie, a taksama źviestki pa zapasach hazu ŭ schoviščach napiaredadni aciaplalnaha siezona: na 4 kastryčnika hazavyja schoviščy ES byli zapoŭnienyja ŭ siarednim na 90%.
U žniŭni ceny na haz u Jeŭropie skakali vakoł adznaki ŭ 3000 dalaraŭ: niejak za 24 hadziny jon paśpieŭ padaražeć amal na 500 dalaraŭ i pierasiahnuŭ adznaku ŭ 3275 dalaraŭ.
Burny rost pačaŭsia na fonie płanaŭ «Hazprama» spynić na prafiłaktyku adzinuju apošniuju turbinu «Paŭnočnaha patoku». «Hazpram» prahnazavaŭ, što ŭzimku ceny na haz u Jeŭropie zdolnyja pieravysić 4000 dalaraŭ za 1000 kubamietraŭ.
Kamientary