Šylda novaja, a cana staraja. Bienzin AI-98 uvadnačas padaražaŭ ažno na 8 kapiejek, ale jość niuansy
Vydańnie NewGrodno.by źviarnuła ŭvahu na toje, što na ŭsich AZS, dzie realizujuć «dzievianosta vośmy» bienzin, z 21 vieraśnia źmianilisia ceńniki. Padaražaŭ, praŭda, tolki adzin vid bienzinu — AI-98, ale zatoje adrazu na 8 kapiejek. Z čym heta źviazana?
Cikavy niuans pry hetym, što choć cana za litr bienzinu skłała 2.68, a paru dzion tamu kiroŭcy płacili pa 2.60, pry zapraŭcy aŭtamabila na tabło kałonki vyskokvaje «staraja» cana. Apieratar AZS patłumačyŭ hety paradoks tak:
«Sapraŭdy, z 21 vieraśnia hety vid paliva padaražeŭ. Ale pry apłacie za najaŭnyja abo pa bankaŭskaj karcie pradastaŭlajecca źnižka ŭ pamiery 8 kapiejek za litr AI-98».
Jak doŭha zachavajecca takaja źnižka, na zapraŭcy patłumačyć nie zmahli. U toj ža čas pry zapraŭcy pa paliŭnaj kartcy, tak zvanaj «tabletcy», źnižki na hety vid paliva niama. I kolki pratrymajecca pry apłacie najaŭnymi ci bankaŭskaj kartkaj, taksama nichto infarmacyi nie daje.
U čym pryčyna padaražeńnia mienavita AI-98, nie paviedamlajecca, a inšyja vidy bienzinu pakul kaštujuć stolki ž, jak i raniej.
Cana na paliva ŭ Biełarusi nie mianiajecca z 28 červienia, a da hetaha z sakavika praktyčna kožny aŭtorak bienzin i «dyziel» abaviazkova daraželi na 2 kapiejki.
Prapahandystka ANT Natalla Stelmach źmianiła imia na Naci Ryšna i zarablaje ŭ Mieksicy na šamanach i narkatyčnych hrybach27
Kamientary