Bajden: Z pačatku vajny nie było nijakich prykmiet, što Kitaj dapamahaje rasijskamu vojsku
Prezident ZŠA Džo Bajden zajaviŭ, što z pačatku vajny Rasii suprać Ukrainy nie było nijakich prykmiet taho, što Kitaj adpraŭlaŭ zbroju abo inšuju dapamohu rasijskamu vojsku. Pra heta amierykanski lidar raskazaŭ u śviežym intervju partału 60 Minutes.
Zrabiŭšy hetuju zajavu, Bajden chacieŭ dadać jašče niešta, ale spyniŭ siabie, skazaŭšy: «Nu, moža być, mnie nie varta bolš kazać». I tak bolš ničoha i nie skazaŭ, zamiest hetaha zhadaŭšy pra svaju ŭžo daŭniuju razmovu ź Si Czińpinam, jakaja adbyłasia padčas padčas Zimovych Alimpijskich hulniaŭ u Piekinie, na jakija kitajski lidar zaprasiŭ Pucina.
«Ja patelefanavaŭ prezidentu Si. Ni ŭ jakim razie nie pahražać, prosta pahavaryć, my nieadnarazova ź im sustrakalisia. I ja skazaŭ: «Kali vy dumajecie, što amierykancy i inšyja buduć praciahvać inviestavać u Kitaj z-za taho, što vy parušajecie sankcyi, nakładzienyja na Rasiju, ja dumaju, vy zrobicie hihanckuju pamyłku. Ale rašeńnie prymać vam», — uspomniŭ svaje słovy Bajden.
Jak udakładniaje CNN, Bajden vykarystaŭ toj sakavicki 110-chvilinny videazvanok, kab adhavaryć kitajskaha lidara ad dapamohi pucinskamu režymu ŭ jaho vajnie z Ukrainaj.
U siaredzinie žniŭnia ministr zamiežnych spraŭ Ukrainy Dmitro Kuleba paviedamiŭ, što Kitaj zachoŭvaje niejtralitet u vajnie. Choć kitajcy na słovach i paŭtarajuć tezy kramloŭskaj prapahandy, ale spravaj jany praktyčna nie padtrymlivajuć Rasiju.
U toj ža čas dziaržsakratar ZŠA Entani Blinkien 17 vieraśnia zhadaŭ, što Indyja i Kitaj vykazali svaje aściarohi datyčna vajny va Ukrainie. Pa jaho słovach, heta ŭzmacniaje cisk na ahresara.
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3131
Kamientary