Kitaj uchvaliŭ pieršuju ŭ śviecie inhalacyjnuju vakcynu ad Covid-19
Kitaj staŭ pieršaj krainaj, jakaja dazvoliła vykarystoŭvać inhalacyjnuju vakcynu suprać Covid-19, paviedamlaje CNN.
Vytvorca vakcyny, CanSino Biologics, zajaviŭ, što rehulatar lekavych srodkaŭ Kitaja ŭchvaliŭ inhalacyjnuju dozu dla ekstrannaha vykarystańnia ŭ jakaści bustarnaj vakcyny.
Pradukt, viadomy jak Convidecia Air, vykarystoŭvajecca pry dapamozie niebułajziera. Vakcyna CanSino Convidecia Covid-19 ŭžo vykarystoŭvajecca ŭ Kitai i ŭchvalenaja taksama ŭ niekalkich inšych krainach.
Zhodna z bazaj źviestak, jakaja padtrymlivajecca Suśvietnaj arhanizacyjaj achovy zdaroŭja, novy pradukt CanSino źjaŭlajecca adnoj ź dźviuch «inhalacyjnych» vakcyn, jakija dasiahnuli kliničnaj fazy raspracoŭki.
Kampanija CanSino papiaredziła ŭ svajoj zajavie, što da taho, jak vakcyna zmoža vyjści na rynak, jašče treba budzie vykanać niekatoryja rehulacyjnyja dziejańni, i zajaviła, što jaje pradukt sutykniecca z «žorstkaj kankurencyjaj» unutry krainy, dzie na hety momant dazvolenyja dzieviać vakcyn.
U pres-relizie CanSino havorycca, što Convidecia Air «moža vyklikać mocny humaralny, kletkavy i ślizisty imunitet».
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary