Vyniesieny jašče adzin prysud udzielniku žnivieńskich padziej 2020 hoda ŭ Žłobinie
Sud Žłobinskaha rajona vynies prysud žycharu rajcentra Siarhieju Haničavu, abvinavaciŭšy jaho pavodle č. 1 art. 342 Kryminalnaha kodeksa (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich), paviedamlaje «Viasna».
21-hadovaha Siarhieja Haničava, byłoha studenta Biełaruskaj dziaržaŭnaj sielckahapadarčaj akademii, zatrymali pry kancy maja 2022 hoda.
Da suda abvinavačany ŭtrymlivaŭsia ŭ SIZA №3 Homiela.
Pa materyjałach abvinavačańnia, viečaram 9 žniŭnia 2020 hoda Haničaŭ udzielničaŭ u niesankcyjanavanym masavym mierapryjemstvie ŭ Žłobinie. Prykładna ŭ 21:40 u składzie natoŭpu, jaki ščylna zapoŭniŭ terytoryju pamiž budynkami, vyjšaŭ na prajeznuju častku. Niedzie da pałovy na druhuju nočy pratestoŭcy pieraškadžali ruchu transpartu, plaskali ŭ dałoni, hučna kryčali, śvistali, vykrykvali łozunhi, demanstratyŭna admaŭlalisia ad vykanańnia «zakonnych patrabavańniaŭ pradstaŭnikoŭ ułady». Hetyja dziejańni pryviali da parušeńnia narmalnaj pracy transpartu, u tym liku i hramadskaha. Akramia taho, na niekalki hadzin była vymušanaja začynicca kruhłasutačnaja krama.
Sud pryznaŭ Siarhieja Haničava vinavatym i pryhavaryŭ jaho da dvuch hadoŭ kałonii ahulnaha režymu.
Siłaviki vyklikajuć na razmovy — što treba viedać1
Kamientary