Jak uradženka Pinska stała miljanierkaj za miažoj i pradaje viasielnyja sukienki za tysiačy dalaraŭ
Kali praŭnučka zasnavalnika sietki znakamitych hatelaŭ Hilton i śvieckaja lvica Perys Chiłtan vychodziła zamuž za biznesmiena Kartera Reuma, jana źmianiła šeść viasielnych sukienak ad čatyroch dyzajnieraŭ. U ich liku była sukienka ad Galia Lahav — suśvietna viadomaj izrailskaj dyzajnierki ź pinskimi karaniami. Jaje historyju raskazvaje «Miedyja-Paleśsie».
Hala naradziłasia ŭ Pinsku ŭ 1952 hodzie. Jaje maci była buchhałtarkaj, ale vielmi lubiła šyć i pryščapiła hetuju luboŭ dačce. Kali dziaŭčyncy było piać, jaje siamja pierajechała ź Biełarusi ŭ Izrail i pasialiłasia na poŭdni krainy, u horadzie Aškiełon. Paśla škoły Hala skončyła kaledž tekstylnych technałohij, mody i dyzajnu i stała nastaŭnicaj dekaratyŭna-prykładnoha mastactva.
Nieŭzabavie jana vyjšła zamuž za svaju školnuju luboŭ, Natana Łachaŭ. A ŭ 32 hady, kali padraśli ich dzieci (syn Idan i dačka Osnat), Hala zrabiła pieršy krok da ažyćciaŭleńnia svajoj mary ab modnym brendzie. Jana pakinuła pracu vykładčycy, adkryła ŭ Ašdodzie nievialikaje atelje i stała rabić na zakaz karunkavyja aplikacyi, šyć spačatku viačernija, a zatym i viasielnyja sukienki.
U 2016 hodzie Galia Lahav staŭ pieršym izrailskim domam mody, jaki vystupaŭ na Tydni mody ŭ Paryžy. A praz hod — pieršym izrailskim brendam, pryniatym u znakamity sindykat vysokaj mody ŭ Paryžy.
Siońnia modny dom Galia Lahav raźmiaščajecca ŭ čatyrochpaviarchovym budynku na hałoŭnaj handlovaj vulicy Tel-Aviva, a viasielnyja sukienki hetaha brenda pradajucca ŭ 40 krainach u 70 ułasnych bucikach i inšych kramach premium-kłasu. Dzieci Hali ŭlilisia ŭ siamiejny biznes — Idan Łachaŭ staŭ hienieralnym dyrektaram modnaha doma Galia Lahav.
U sukienkach ad Hali Łachaŭ vychodzili zamuž takija znakamitaści, jak Brytni Śpirs, Alivija Man. Hałandskaja televiadučaja i madel Silvija Mejs vykłała za sukienku ad samaha viadomaha izrailskaha brenda 28 tysiač jeŭra.
Biejonse abrała sukienku Galia Lahav dla cyrymonii abnaŭleńnia klatvaŭ praz 10 hadoŭ šlubu z Jay-Z. A Pryjanka Čopra — dla premjery filma «Pahonia za ščaściem». U liku prychilnic talentu Hali Łachaŭ — Dženifier Łopies, Sierena Uiljams, Kryścina Ahilera i mnohija inšyja.
Darečy, cana ŭračystych naradaŭ ad Galia Lahav vahajecca ad 8 da 15 tysiač dalaraŭ, ale śpiecyjalny dyzajn moža kaštavać i bolš za 20 tysiač.
U Biełaruskaj pravasłaŭnaj carkvie abnavili ceńnik? Voś jakija buduć rekamiendavanyja taryfy7
Kamientary
bo viasielle - sprava takaja... u samych biednych dyk heta adno ź niešmatlikich vialikich śviataŭ va ŭsim ich biednym žyćci, na jakoje jany hatovyja patracić apošnija hrošy...
vypusknyje
svad́by
pominki
- takuju rekłamu kafe ja baču ŭ maršrutcy i z sumam dumaju - u hetych 3 słovach usio čałaviečaje žyćcio...