Usiaho patrochu1111

U Biełaviežskaj puščy zmahajucca z amierykanskim drevam-ahresaram. Što za jano i čym niebiaśpiečnaje?

Surjoznuju prablemu i pahrozu bijaraznastajnaści niasuć invazijnyja čužarodnyja vidy, vidy-pryšelcy abo ahresary. Ukaraniajučysia ŭ miascovaje pryrodnaje asiarodździe, jany imkliva raspaŭsiudžvajucca ŭ raślinnych supolnaściach, značna spraščajuć i źbiadniajuć ich, vyciaśniajučy abaryhiennyja raśliny. Va ŭsich na słychu ciapier baraćba z sumnikam kanadskim i barščeŭnikam Sasnoŭskaha. Ale hetym pieralik ahresiŭnych pryšelcaŭ nie vyčerpvajecca, pišuć na sajcie nacyjanalnaha parka «Biełaviežskaja pušča».

Najbolš nieprymirymaja baraćba ź invaziŭnymi raślinami idzie na asabliva achoŭvajemych pryrodnych terytoryjach, jakija źjaŭlajucca etałonami naturalnych ekasistem, jakija histaryčna skłalisia, aporaj ich zachavanaści. Prytym pahrozaj mohuć być i niekatoryja drevy. Adzin z takich vidaŭ-ahresaraŭ, svojeasablivaje dreva-pustazielle — pryšelec z Paŭnočnaj Amieryki, klon amierykanski.

Na terytoryi Biełaviežskaj puščy klon amierykanski ŭpieršyniu źjaviŭsia, vierahodna, u 1930-1940-ja hady jak dekaratyŭnaja chutkarosłaja raślina. Pieršyja hierbarnyja zbory hetaha vidu na terytoryi puščy datavanyja 1948 hodam, a ŭžo ŭ 1956 hodzie Acer negundo (tak jon zaviecca na łacinie) upieršyniu adznačany pa-za štučnymi nasadžeńniami ŭ rajonie puščanskaj vioski Bieły Lasok. Heta značyć, užo tady jon pačaŭ pavoli ŭkaraniacca ŭ miascovyja raślinnyja supolnaści.

Ciapier hety čužyniec sustrakajecca na terytoryi puščy davoli časta. Raście jon hałoŭnym čynam uzdoŭž rek i sažałak, kala nasielenych punktaŭ, uvachodzić u skład padlesku roznych lasnych farmacyj, raście na vysiečkach, uźleskach i ŭzdoŭž daroh.

Niebiaśpieka klona amierykanskaha ŭ tym, što jon pry spryjalnych umovach farmuje sucelnyja zaraśniki, asabliva ŭzdoŭž rek, zamiaščajučy miascovyja vidy raślin i kustoŭ. Hety klon vałodaje vysokaj alełapatyčnaj aktyŭnaściu — aktyŭnyja rečyvy listavoha apadu klona dziejničajuć jak inhibitary rostu, dušačy raźvićcio ŭsich inšych raślin. Prytym jon vielmi aktyŭna raspaŭsiudžvajecca nasieńniem.

Adno darosłaje dreva moža ŭtvarać u hod da 500000 štuk nasieńnia, jakija majuć praktyčna 100%-uju ŭschodžaść. Pyłok klona — mahutny alerhien i ŭ viasnovy pieryjad vyklikaje mocnuju alerhiju ŭ adčuvalnych ludziej.

Heta adzin z najbolš ahresiŭnych invazijnych vidaŭ raślin fłory ŭ našaj krainie. C 2011 hoda (paŭtorna ŭ 2016 hodzie) jon uklučany ŭ pieralik vidaŭ, jakija akazvajuć škodnaje ŭździejańnie i (abo) ujaŭlajuć pahrozu bijałahičnaj raznastajnaści, žyćciu i zdaroŭju hramadzian, zabaronienyja da vyroščvańnia.

Kamientary11

  • Nn
    23.08.2022
    Treba dać ludziam biez dazvołu rezać hety sort, narychtoŭvać jaho dla svaich patreb. Na drovy naprykład. U tym liku ŭ haradach. Kolki chočaš, stolki i biary. Pryjechaŭ, vysiek na drovy i pajechaŭ. Ale tolki hety sort, ni jaki inšy. Karaciej, abychodzicca ź im jak z barščeŭnikam. Takija raśliny zabivajuć miascovuju ekasistemu. Chto hetaha nie razumieje, toj nie daloki.
  • Michaśka
    23.08.2022
    Nn, ekasystema sama raźbiarecca, što joj dobra, a čaho nie pavinna być. Takija pracesy - narmalnaja sprava, pryroda znojdzie svoj miechanizm urehulavańnia, nia treba leźci z dapamohaju. Čałaviek jašče nikoli nie dapamoh pryrodzie dy ekalohii, tolki horaj zrobić.
  • R6619
    23.08.2022
    Nie zrazumieŭ, pišacie pra klon, a fotki jasienia...

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda2

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda

Usie naviny →
Usie naviny

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku6

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

Pucin zrabiŭ Z-śpievaka Šamana zasłužanym artystam Rasii5

bolš čytanych navin
bolš łajkanych navin

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda2

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda

Hałoŭnaje
Usie naviny →