Štučny intelekt užo stvaraje mastactva. Ci zdoleje jon zamianić kreatyŭny kłas?
Niadaŭna kampanija OpenAI vypuściła DALL-E 2. Heta niejrasietka, zdolnaja hienieravać jaskravyja i realistyčnyja fatahrafii, karciny i ilustracyi ŭ adkaz na tekstavy zapyt. U adnoj z zaŭvah da relizu jość papiaredžańnie, što vykarystańnie praduktu «moža pryvieści da vyciaśnieńnia pracoŭnych miescaŭ dyzajnieraŭ, fatohrafaŭ, madelaŭ, redaktaraŭ i mastakoŭ», piša Wired.
Praŭda, pakul što hetaha nie adbyłosia. Ludzi, jakija atrymali rańni dostup da niejrasietki DALL-E, vyjavili, što jana dapamahaje tvorčaści, a nie zamianiaje jaje. Biendžamin fon Vonh, mastak, jaki stvaraje instalacyi i skulptury, kaža, što DALL-E pavysiŭ jaho pradukcyjnaść. «DALL-E źjaŭlajecca vydatnym instrumientam dla takich ludziej, jak ja, jakija nie ŭmiejuć malavać», — kaža fon Vonh, jaki vykarystoŭvaje hety instrumient dla vyvučeńnia idejaŭ, jakija paśla možna ŭvasobić u tvory mastactva. — Zamiest taho, kab rabić nakidy kancepcyj, ja mahu prosta hienieravać ich z dapamohaj roznych fraz-padkazak».
DALL-E — adzin z mnostva novych instrumientaŭ štučnaha intelektu dla stvareńnia malunkaŭ. Aza Raskin, mastak i dyzajnier, vykarystaŭ prahramnaje zabieśpiačeńnie z adkrytym zychodnym kodam dla stvareńnia muzyčnaha videa dla muzykanta Zii Kara, jakoje było pakazana na kanfierencyi TED u krasaviku. Hety prajekt dapamoh pierakanać jaho ŭ tym, što štučny intelekt, jaki hienieryruje vyjavy, pryviadzie da vybuchu tvorčaści, jakaja nazaŭždy źmienić vizualnaje asiarodździe čałaviectva.
Pakul jašče rana kazać pra toje, jak takaja pieraŭtvaralnaja technałohija ŭ vyniku paŭpłyvaje na ilustrataraŭ, fatohrafaŭ i inšych tvorčych rabotnikaŭ. Ale ciapier ideja pra toje, što mastackija instrumienty štučnaha intelektu vycieśniać kreatyŭny kłas, padobnaja na toje, jak ludzi časam apisvajuć robataŭ, jakija zamieniać rabočych na zavodach, i zdajecca praźmiernym spraščeńniem.
Pieršaja viersija DALL-E, anansavanaja ŭ studzieni 2021 hoda, stała viachoj dla kampjutarnaha mastactva. Jana pakazała, što ałharytmy mašynnaha navučańnia, jakija vykarystoŭvajuć u jakaści navučalnych danych mnohija tysiačy vyjavaŭ, mohuć dapaŭniać isnujučyja vyjavy novymi formami.
Praz hod vyjšła DALL-E 2, u jakoj była prykmietna palepšanaja jakaść vynikovych malunkaŭ. Jana taksama moža ŭpeŭniena pierajmać roznyja mastackija styli i stvarać bolš fotarealistyčnyja malunki. Chočacie atrymać fatahrafiju studyjnaj jakaści sabaki parody Siba-Inu ŭ bierecie i čornym švedary? Prosta ŭviadzicie heta ŭ pošukavy radok i čakajcie.
Mnohija ludzi, jakija ekśpierymientujuć z DALL-E i padobnymi instrumientami štučnaha intelektu, apisvajuć ich nie jak novy vid mastackaha pamočnika abo muzy. «Heta padobna na razmovu ź inšapłanietnaj istotaj», — kaža Devid Mansan, fatohraf, piśmieńnik i vykładčyk anhlijskaj movy ŭ Japonii, jaki vykarystoŭvaŭ DALL-E na praciahu apošnich dvuch tydniaŭ. — Jon sprabuje zrazumieć tekstavuju padkazku i pieradać nam toje, što bačyć, i časta vydaje toje, čaho vy zusim nie čakajecie».
Novaja viersija DALL-E — tolki adzin z prykładaŭ šerahu mahutnych instrumientaŭ hienieracyi malunkaŭ. Niadaŭna Google anansavaŭ dva takich instrumienta — Imagen u mai i Parti ŭ červieni. Niekalki prajektaŭ z adkrytym kodam taksama stvaryli hienieratary malunkaŭ, takija jak Craiyon, jaki staŭ virusnym u minułym miesiacy paśla taho, jak ludzi pačali vykarystoŭvać jaho dla stvareńnia miemaŭ u sacyjalnych sietkach.
Źjavilisia novyja kampanii, jakija zajmajucca kamiercyjalizacyjaj mastackich instrumientaŭ štučnaha intelektu. Veb-sajt i dadatak pad nazvaj Wombo moža hienieravać vyjavy ŭ roznych stylach u adkaz na tekstavuju padkazku abo isnujučy malunak, i pradaje razdrukoŭki abo NFT vynikaŭ. Midjourney, niezaležnaja daśledčaja łabaratoryja, jakaja dała svaju technałohiju beta-testaram, moža pieratvaryć tekstavyja padkazki ŭ jarkija, časam abstraktnyja ilustracyi.
Devid Cholc, zasnavalnik Midjourney, nie ličyć, što jaho instrumient kankuryruje z mastakami. «My skancentravanyja na vyvučeńni sutnaści ŭjaŭleńnia, — kaža jon. — Ujaŭleńnie vykarystoŭvajecca dla mnohich rečaŭ, časam dla mastactva, ale čaściej prosta dla razvažańniaŭ i hulni. My b nie nazvali toje, što my stvarajem, mastactvam štučnaha intelektu, bo jon ničoha nie stvaraje sam pa sabie. U jaho niama ni voli, ni kiravańnia».
DALL-E i mnohija inšyja mastackija instrumienty štučnaha intelektu pabudavanyja na apošnich dasiahnieńniach u halinie mašynnaha navučańnia, jakija dazvolili ałharytmam, jakija apracoŭvajuć tekst ci malunki, pracavać sa značna bolšymi maštabam i dakładnaściu. Niekalki hadoŭ tamu daśledčyki znajšli sposab padačy vielizarnych abjomaŭ tekstu, uziatych z ramanaŭ i internetu, u hetyja ałharytmy, što dazvoliła im ułoŭlivać statystyčnyja zakanamiernaści tekstu. Paśla takoha navučańnia sistema mahła hienieravać vielmi pierakanaŭčy tekst, kali joj davali pieršy skaz.
Mahčyma, samym vialikim źmianieńniem, jakoje pryniasuć hienieratary malunkaŭ sa štučnym intelektam, stanie rezkaje pašyreńnie koła ludziej, zdolnych stvarać i ekśpierymientavać z mastactvam i ilustracyjami. «Aptymistyčna možna skazać, što heta revalucyja ŭ kamunikacyi», — kaža Tom Uajt, mastak z Novaj Ziełandyi, čyje pracy pryśviečany štučnamu intelektu. Pa słovach Uajta, navat tyja, chto nie schilny da tvorčaści, mohuć vykarystoŭvać takija instrumienty dla stvareńnia i abmienu kreatyŭnymi malunkami — ludzi ŭžo robiać heta miemami Craiyon. «Heta moža źmianić naša staŭleńnie adzin da adnaho».
Žycharcy Mahilova pahražajuć kryminałkaj za toje, što źniała ranišniuju čarhu ŭ rehistraturu3
Kamientary