Doktar Sałaviej: Iznoŭ pajšoŭ rost zachvorvalnaści na kavid, zaścierahajciesia i pryščaplajciesia
Były hałoŭny infiekcyjanist Minska Mikita Sałaviej zaścierahaje i papiaredžvaje: vopyt jahonych apošnich dziažurstvaŭ u infiekcyjnaj balnicy pakazvaje, što ŭ Minsku znoŭ pačaŭsia pastupovy rost zachvorvańnia na COVID-19. Treba zaścierahacca i abaviazkova pryščaplacca.
Pavodle lekara, usio bolšaja kolkaść pacyjentaŭ, jakija majuć kliničnyja prajavy vostraj reśpiratornaj infiekcyi (lichamanka, kašal, nasmark, boli ŭ horle, dyskamfort u hrudnoj kletcy, dychavica i h. d.), atrymlivajuć pry abśledavańni stanoŭčy vynik testu na karanavirus.
Siarod tych, kaho davodzicca špitalizavać, pa-raniejšamu pieravažajuć niepryščeplenyja ludzi z hrupy ryzyki.
Asobnaja hrupa pacyjentaŭ, pavodle Sałaŭja — heta asoby z surjoznaj spadarožnaj patałohijaj (cukrovym dyjabietam, sardečnaj niedastatkovaściu, drenna kantralavanaj arteryjalnaj hipiertenzijaj, chraničnaj abstruktyŭnaj chvarobaj lohkich i inš.). U ich karanavirusnaja infiekcyja praciakaje tolki ź lichamankaj i intaksikacyjaj, biez surjoznaha niepasrednaha paražeńnia lohkich, adnak jana pryvodzić da abvastreńnia raniej užo najaŭnych zachvorvańniaŭ.
Pavodle viadomaha lekara, «znoŭ stanoviacca aktualnymi prostyja srodki strymlivańnia raspaŭsiudžvańnia infiekcyi, jakija dakazali svaju efiektyŭnaść u sotniach daśledavańniaŭ, — našeńnie masak u miescach masavaha zboru ludziej, asabliva ŭ abmiežavanych zamknionych prastorach, abmiežavańnie naviedvańnia ludnych miescaŭ biez krajniaj nieabchodnaści, hihijena ruk, sacyjalnaje dystancyjavańnie». I, viadoma, vakcynacyja jak asnova ŭsiaho.
«I kali vam (časta pa niaviedańni) kažuć, što pry niejkim stanie supraćpakazanaja vakcynacyja suprać COVID-19, — sumniavajciesia. Naadvarot, praktyčna lubaja chraničnaja patałohija pavialičvaje ryzyku ciažkaha praciakańnia karanavirusnaj infiekcyi, i karyść vakcynacyi pry hetym adnaznačnaja», — piša Mikita Sałaviej.
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA27
Kamientary
adnaznaznaja žestačajše
u nas voobŝie kuda ni pł.. oj. iźvinitie. kuda ni posmotri - viezdie odna tolki karyść