Sajuz pradprymalnikaŭ i pracadaŭcaŭ u Polščy adkryŭ «Biełaruski biznes-centr». Jaho metaj budzie dapamoha biełaruskamu biznesu, jaki choča pierajechać u Polšču.
Prajekt «Biełaruski biznes-centr» ad Sajuza pradprymalnikaŭ i pracadaŭcaŭ budzie nadavać usioabdymnuju arhanizacyjnuju, pravavuju i kansultacyjnuju dapamohu kampanijam ź Biełarusi, jakija chočuć rełakavacca ŭ Polšču. Prajekt realizujecca pry padtrymcy PYXERA Global.
U Polščy znachodzicca vialikaja biełaruskaja dyjaspara, tamu supracoŭnikam kampanii budzie kamfortna pracavać, havorycca ŭ pres-relizie Sajuza pradprymalnikaŭ i pracadaŭcaŭ.
U biznes-centry kampanii biaspłatna zmohuć:
- atrymać kansultacyjnuju padtrymku pa polskim rynku i biznes-srodkach: padatkach, vydatkach na ofis i pracoŭnuju siłu, pryciahnieńnie kapitału i h. d.;
- atrymać jurydyčnyja kansultacyi na etapach adkryćcia i viadzieńnia biznesu, padtrymku ŭ kantaktach z orhanami ŭłady;
- atrymać mientarskuju padtrymku ad polskich ekśpiertaŭ;
- udzielničać u šmatlikich sieminarach, vebinarach i treninhach pa jurydyčnych aśpiektach, markietynhu, kamunikacyjach.
«Biełaruski biznes-centr» maje ŭ Varšavie ŭłasny Open Space z abstalavanymi pracoŭnymi miescami. Biełaruskija kampanii mohuć biaspłatna vykarystoŭvać jaho dla pačatku svajoj dziejnaści ŭ Polščy.
Za apošnija piać miesiacaŭ u Polščy zarehistravali 473 kampanii, u jakich adzin z zasnavalnikaŭ byŭ fizičnaj ci jurydyčnaj asobaj ź Biełarusi. Usiaho ŭ Polščy zarehistravana 3709 kampanij ź biełaruskim kapitałam.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary
Jeśli prosto s naskoka vziať biełorusskij, polskij ,čiešskij, ukrainskij jazyki, to srazu poniatno, hdie nado hranicu s zaborom v 20 mietrov staviť. Kakaja nachrien RF? Kto oni nam voobŝie?