Videazvarot prezidenta Ukrainy Uładzimira Zialenskaha pakazali na «Hłastanbery» — adnym z hałoŭnych muzyčnych fiestyvalaŭ u śviecie, jakija startavaŭ u Vialikabrytanii paśla dvuchhadovaha pierapynku praz pandemiju kavidu.
Rolik prademanstravali pierad pačatkam kancerta The Libertines.
Zialenski pačaŭ vystup sa słoŭ pra toje, što pandemija nie zmahła złamać ludziej i im udałosia viarnucca da raniejšaha žyćcia. «My va Ukrainie taksama chacieli b žyć, jak raniej, i atrymlivać asałodu ad svabody i hetym cudoŭnym letam. Ale my nie možam, tamu što adbyłosia samaje strašnaje», — skazaŭ Zialenski.
Prezident Ukrainy paprasiŭ hledačoŭ raspaŭsiudžvać praŭdu pra vajnu, jakuju pačała Rasija: «Čym bolš budzie ludziej, jakija dałučacca da nas, kab abaraniać svabodu i praŭdu, tym chutčej hetaja vajna skončycca».
Akramia taho, jon zaklikaŭ prysutnych akazać cisk na ŭsich palitykaŭ, jakich jany viedajuć, kab dapamahčy adnavić mir va Ukrainie.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary