Etna-chop, art-pop i pank pa-biełarusku. Padborka novaj biełaruskaj muzyki, jakuju varta dadać u płejlist
U płejliście kožnaha biełarusa pavinna być miesca ajčynnym muzykam. Zrabili padborku maładych i cikavych prajektaŭ na luby hust.
Etna-chop pad łozunham «Heta Biełaruś, joŭ»
U etna-chop artystki Iva Sativa apošni hod vielmi plonny: JER, niekalki jakasnych klipaŭ, pieramoha na Jager Music Awards-2021 u naminacyi People's Choice.
Iva Sativa — heta Jania Smalaha rodam z Barysava, jakaja pačała muzyčnyja ekśpierymienty bolš za try hady tamu. Jana — žonka palitviaźnia Lavona Chałatrana. U intervju «Našaj Nivie» jana raskazvała, što pieršyja miesiacy paśla zatrymańnia muža ŭvohule nie mahła zajmacca muzykaj, a potym tvorčaść stała dla jaje ratavańniem ad durnych dumak.
Iva źmiešvaje ŭ svaich trekach fołk, rep, elektronščynu — atrymlivajecca vielmi śvieža i zapalna. Jaje firmovaje «Heta Biełaruś, joŭ» užo stała kryłatym vyrazam.
Staražytnasłavianskija rytuały pad bity industryjnych minskich vulic
Etničnyja karani i žanočy vakał znojdziecie i ŭ pieśniach elektra-pank prajekta Dah. Pakul u muzykaŭ vyjšaŭ tolki EP «Biažy».
Udzielniki dueta Nastaśsia i Jaŭhien Zykovičy sami apisvajuć svoj debiutny pradukt tak: «Zmročny chip-chop u spałučeńni z embijentam i dark-techna pahruziać u atmaśfieru staražytnasłavianskich rytuałaŭ pad bity industryjnych minskich vulic».
Sumieś muzyki z teatram
Jašče adna maładaja śpiavačka, jakaja źmiešvaje šmat žanraŭ, — Palina Dabravolskaja, jana ž Chornabrova. Akramia ŭłasna muzyki ŭ tvorčaści Paliny šmat teatralnaha, bo jana — akciorka i režysiorka. Adzin ź jaje śpiektaklaŭ zrobleny pa tvory «Sarmatyja» Maryi Martysievič. Palina hraje taksama ŭ biełaruska-polskim prajekcie «1.8», pryśviečanym biełaruskim palitviaźniam. Śpiektakl hety pastaviŭ viadomy režysior Ivan Vyrypajeŭ.
Na debiutnym albomie raim źviarnuć uvahu na sučasnuju pierapracoŭku «Kupalinki».
Pop-art, francuzskaja mova i «Minsktrans»
«Skandalna nieviadomy aŭdyjavizualny pop-art prajekt», — ź ironijaj sami pra siabie pišuć udzielniki Rap&Vogue. Heta jakasnaja elektronnaja muzyka, pad jakuju chočacca tančyć. Piarčynki i niezvyčajnaści joj dadaje vykanańnie niekatorych trekaŭ pa-francuzsku.
Ale jość tut miesca i vyklučna biełaruskim znakam: čaho tolki varty trek «Minsktrans» — miks z abjavaŭ u transparcie i muzyčnych znachodak.
Ajčynny indzi-pop z žanočym vakałam
Biełaruskamoŭnaja śpiavačka LEAR nanoŭ źviarnuła na siabie ŭvahu ŭ 2020 hodzie: tady ŭ červieni vybuchnuła jaje pieśnia «Na stomlenych kryłach» na słovy Vitala Ryžkova.
Z taho momantu Valeryja Suravickaja nie spyniajecca i prasoŭvajecca pa šlachu indzi-popa. Litaralna ŭ mai ŭ jaje vyjšaŭ novy biełaruskamoŭny trek pra ŭsiopahłynalnaje kachańnie «Zabiaru bol».
Navučpop savieckaj chvali
Kali vy prychilnik sinci-popa i retrafuturyzmu, vam da «Stažoraŭ». «Navučpop»-bend ź Minska mahična miksuje elektroniku i dadaje tudy savieckaha lampavaha hučańnia.
Psichadeličny i paetyčny pank
Syndrom Samazvanca
Syndrom Samazvanca — heta ŭžo nie pieršy muzyčny prajekt paeta i muzyki Uładzia Lankieviča. Byli jašče vielmi mocnyja «Tonqixod» i «luty sakavik».
Novy prajekt — ź inšym hučańniem i ekśpierymientami. Heta ŭžo taki psichadeličny pank. Ale niaźmiennym u prajektach Lankieviča zastajecca paetyčnaja biełaruskaja mova jaho vykazvańniaŭ.
Ramantyki ź minskich vulic
Jašče adzin muzyčny pierazapusk ad muzykaŭ z dośviedam — prajekt Alesia Śnieha i Uładzisłava Lepiašynskaha «Baču ŭpieršyniu». Pop-rokavaja historyja, pad jakuju chočacca biehčy na prabiežku ŭ park i pračynacca z dobrym nastrojem.
Svoj klip na pieśniu «Miensk viasnoj» muzyki pryśviacili «tym, chto bačyć biełaruskuju stalicu tolki pa fota i ŭ snach, i tym, chto chodzić pa vulicach horada i bačyć jaho viasnovyja kolery». I Miensk u im sapraŭdy pryhažunčyk. Zrešty, jak i zaŭsiody, niahledziačy na sproby peŭnaj katehoryi hramadzian adabrać u jaho dušu.
Praciahvaje hulniu słovaŭ z adsyłkami da «nieviadomaści» badziory, pacanski pop-rok-hurt ź Minska z nazvaj «Apošni z Kastryčnickaj».
Hurt «Apošni z Kastryčnickaj»
Chłopcy vydali svoj debiutny albom «Ja niedzie heta čuŭ» u mai, tamu heta supierśviežy materyjał da prasłuchoŭvańnia.
Bonus
Knižku Alhierda Bachareviča «Sabaki Eŭropy» nie tak daŭno pryznali ekstremisckaj, ale heta, zdajecca, tolki dadało joj papularnaści: adrazu zachaciełasia pračytać tym, chto hetaha nie zrabiŭ. Chacia i raniej kniha była na chvali: Svabodny teatr pastaviŭ pa ramanie śpiektakl, a entuzijasty śpiecyjalna abjadnalisia ŭ hurt Psautika Europoje, kab u jakaści razavaj akcyi zapisać albom na balbucie, štučnaj movie z ramana Bachareviča.
«Naša Niva» — bastyjon biełaruščyny
PADTRYMAĆČytajcie taksama:
Hrošy, top-madeli i absurdnaść kapitalizmu. Raskazvajem pra šviedski film, jaki pieramoh u Kanach
Komik Idrak Mirzalizade zładziŭ svoj pieršy biełaruskamoŭny stendap — pahutaryli ź im pra anšłah na kancercie, žarty padčas vajny i ruski śviet
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA27
Kamientary