Zrušyłasia sprava z evakuacyjaj cyvilnych asob z zavoda «Azoŭstal» u Maryupali
Siońnia ceły dzień pieradusim praz rasijskija krynicy išła infarmacyja, što z zavoda «Azoŭstal» u Maryupali budzie pravodzicca evakuacyja cyvilnaha nasielnictva pry ŭdziele mižnarodnych arhanizacyj. Ciapier pra heta źjaviłasia krychu padrabiaznaściaŭ i z ukrainskaha boku.
Namieśnik kamandzira pałka «Azoŭ» Śviatasłaŭ Pałamar apublikavaŭ videazvarot, u jakim paviedamiŭ, što na «Azoŭstali», chaj i sa spaźnieńniem, ale ŭstalavaŭsia režym cišyni, i adtul pastupova pačynajuć vychodzić cyvilnyja ludzi (mnohija znachodziacca pad zavałami, ich davodzicca ratavać). Pakul što pieradali dla evakuacyi 20 čałaviek.
Pałamar vykazaŭ nadzieju, što cyvilnych, pavodle damoŭlenaściaŭ, adviazuć na padkantrolnuju Ukrainie terytoryju. Tudy ž jon zapatrabavaŭ vyvieźci paranienych vajskoŭcaŭ, ale z hetym pakul nijakaj jasnaści niama.
Kamientary